Парита накупной силы
![](http://upload.wikimedia.org/wikipedia/commons/thumb/9/9e/Countries_by_GDP_%28PPP%29_Per_Capita_in_2015.svg/500px-Countries_by_GDP_%28PPP%29_Per_Capita_in_2015.svg.png)
Парита накупной силы (ПНС) (англ. PPP - purchasing power parity) — сполуодношѣня межи валутами двох держав, вызначеное з их накупной силы ку становеной фиксованой гарнитурѣ товарох и служб в тых державах.[1]
Опис
[едітовати | едітовати жрідло]Сполуодношѣня межи двома валутами подля их накупной силы ку вызначеному комплексу товарох и служб обычайно не згодуе ся с бурзовым курзом валут. Понеже цѣны на товары и службы не суть всягды еднакы, поважуе ся, же парита накупной силы вецей адекватно указуе сполуодношѣня реалной вартости валут на територии конкретной державы. Про то, кедь вырахуеме ГДП на особу не подля бурзового курзу, але подля париты накупной силы, обычайно в бѣдных державах, де цѣны суть низшы, достанеме векшы числа ГДП.
На практицѣ парита накупной силы служить за основу формованя валутного курзу, про поровнаня штандартох живота в розличных штатах, при розрахунках грубого домашного продукту на особуу обывательства ай про иншы меджинародны поровнаня.[1]
Правила вырахованя париты накупной силы суть становены нормами каждой державы, але тоты мають одповѣдати догоднутым межинародным штандартам, час од часу обновльованым.[2]
Жерела и одказы
[едітовати | едітовати жрідло]- Філіпченко В. І.: Паритет купівельної спроможності //Українська дипломатична енциклопедія у п'яти томах Том 4. /Гол. ред Лимаренко К. В. ISBN 978-966-03-6649-7 укр. C. 110.
- Паритет покупательной способности // Национальная экономическая энциклопедия русс.