Оравскый замок
![](http://upload.wikimedia.org/wikipedia/commons/thumb/b/ba/Oravsk%C3%BD_hrad_%28celkov%C3%BD_pohled%29.jpg/280px-Oravsk%C3%BD_hrad_%28celkov%C3%BD_pohled%29.jpg)
Оравский замок, словац. Oravský hrad, мад. Árva vára — замок в Словакии в селѣ Оравскый Подзамок, вызнамна доминанта региона Орава, еден з перворядных памятникох замковой архитектуры Словакии, храненый народный памятник културы.[1]
Полога
[едітовати | едітовати жрідло]Замок лежить о 10 км на сѣверовыход од Долного Кубина, в катастрѣ Оравского Подзамку, над рѣков Орава, на около 100-метровой вышкы скалѣ.
История
[едітовати | едітовати жрідло]![](http://upload.wikimedia.org/wikipedia/commons/thumb/9/92/Ender-arva.jpg/280px-Ender-arva.jpg)
Перва документална упоминка Оравского замка датована роком 1267.[2] Замок тогды належав кралю Бейлови IV., пак дале його наступникам. Од року 1370 замок мав статус жупного замка, а в ньому з кральового повѣрѣня владли замковый жупан (árvai várispán). В року 1484 краль Матяш Корвин поклав за жупана свого немалженского сына Яноша Корвина и даровав му грофску титулу, аж в року 1495 (по смерти Матяша Корвина) тоты, въедно з иншыма маетками одняв му магнат Иштван Заполяи.[3] В року 1556 замок достала до тырвалой держбы родина Турзовцьох (Thurzók) за 18 338 золотых, аж покля им кральовскый двор выдаткы не верне, а од року 1606 — уже яко дѣдичный маеток «за мечом и кудельов». В року 1621, коли выгасла мужска линия рода, женска линия, 7 сестер, створили тзв. Оравскый компосесорат (Оравске замкове панство), маеткы котрого ся все справовали выбраным справцьом: так ся удало захранити и успѣшно розбудововати замок, а в року 1868 ай отворити ту музей, еден з найстаршых в Словакии. По Другой свѣтовой войнѣ маеток панства быв знародненый.
Части замка
[едітовати | едітовати жрідло]Оравскый замок ся складать з трьох части:
- горный замок — найстарша часть з XIII. стороча;
- середный замок — XV. – XVI. стороча, каштель Корвина, каштель Яна з Дубовця, обытна турня;
- нижний замок — найновша часть, каштель Турзовцьох, каплиця св. Михаила и фара, административны будовы и архив, оборонны первы, другы и третѣ замковы ворота.
Интересны факты
[едітовати | едітовати жрідло]- В середньом замку в скалѣ выбитый 91-метровый колодязь з питнов водов.
- В часѣ Другой свѣтовой войнѣ нѣмецкы войска зрядили в замку артилерийску дозорну точку, але як на ню выпалили салву совѣтскы «катюшы», забрали ся гет, жебы не ризиковати пошкоджѣня цѣнной памяткы.
Жерела и одказы
[едітовати | едітовати жрідло]- Révai nagy lexikona. 2. köt. Révai Testvérek Irodalmi Intézet Részvénytársaság, Budapest. 1911. мад.
- Официална сторона Оравского музея словац.
- Обзор Оравского музея русс.
Референции
[едітовати | едітовати жрідло]- ↑ Официална сторона
- ↑ Oravský hrad | Hrady, zámky, kaštiele a ostatné pamiatky na Slovensku
- ↑ Révai nagy lexikona, том 2, сс. 143–144.
Тоты даны суть часточно або цалком основаны на перекладї статї Oravský hrad на словеньскій Вікіпедії.