Наоми Джеймс
|
Наоми Джеймс | |
|---|---|
 Увидьте фото | |
| Уроджѣня | Dame Naomi Christine James, DBE марца 2., 1949 Гисборн, Новый Зеланд |
| Занятя | яхтсменка, писателька |
| Горожанство | Новый Зеланд |
| Час творбы | 1979 — |
| Одзнакы | |
_Ribbon.png){kind=small} Дама Командор Ордена Британской Империи (DBE, 1978) | |
| VIAF:27641001; LCCN:n79012610; FAST:30807; NLKR/NLC:xx0010100; OL:OL1073198A;
| |
Наоми Джеймс, англ. Dame Naomi Christine James, DBE (в дѣвоцтвѣ Naomi Christine Power), роджена 2. марца 1949, Гисборн, Новый Зеланд — яхтсменка и писателька мемуарох, перва жена, котра обплавала довкола свѣта в соло плавбѣ на малой плахтарцѣ рутов клиперох через кончик Горн.[1]
Родила ся в Новом Зеландѣ на далекой од моря овечой фармѣ, де не было потребы и можности научити ся плавати и так не знала плавати до свого 21-рочного вѣку. Працовала яко фризерка, покля не наважила ся сѣсти на пасажерску шифу и одплыти до Европы. В року 1975 спознала ся зоз своим будучым мужом, Робом Джеймсом, любительом яхтового шпорту, котрому в часѣ медовой плавбы ся признала, же любила бы обплавати в соло плавбѣ доокола свѣта. Ей фантазия ся могла реализовати в року 1977, коли достала спонзорску помочь од лондонской новинкы Daily Express, позычену яхту Express Crusader и суму про подорожны кельтункы.[2]
По 9-мѣсячной плавбѣ морями стала ся она первов женов, котра самотно обплавала довкола свѣта через кончик Горн по трасѣ, познатой як Клиперова Рута (9. септембер 1977 – 8. юн 1978), а при тому вылѣпшила попередный рекорд на той трасѣ од Френсиса Чичестера о два днѣ. Тота плавба принесла ей славу. Достала немешску титулу Дама Командор Ордена Британской Империи (DBE, 1978), котрый удѣлять британска кральова, а в Новом Зеланду оцѣнена титулов Моряк року (1978), введена до Галы Славы (1990). В року 1979 вылѣпшила женскый рекорд Трансатлантичных перегонох. В року 1982 лишила яхтовый шпорт через морску хвороту. О рок ей муж, Роб Джеймс утопив ся в часѣ плавбы (1983), а 10 днѣ на то им ся родила дѣвочка. Наоми ся выдала другый раз в року 1990 и оселили ся во Вашингтонѣ. О своих пригодах написала мемуары At One with the Sea (1979) и At Sea on Land (1981).[1]
Подля правил World Sailing Speed Record Council (WSSRC), организации, котра региструе рекорды яхтинга, плавба мать быти non-stop. Наоми мусѣла два раз ставати. Раз в Кейптаунѣ, жебы ремонтовати радио, бо без контакту з родинов уже плавала 8000 мил. Другый раз на Фолклендскых островах, де потребовала ремонтовати потрепану в плавбѣ стареньку яхту, по тому, як перейшла страшный кончик Горн, жебы ся могла могла вернути до Британии. Тото од ней забрало можность регистровати и вызнати рекорд у WSSRC.[3]
В року 2005 Еллен Макартур (Dame Ellen MacArthur DBE) обплавала довкола свѣта non-stop за 71 день.[4] Ей рекорд быв вызнаный и зарегистрованый. Тот великый роздѣл — 272 днѣ и 71 день — видить ся тяжко порозумѣти. Але Еллен Макартур мала GPS навигацию и швыдкый тримаран, нароком сконштруованый про ню, а ей плавба была каждоденно указована на телевизии. В том часѣ, коли плавала Наоми, Еллен мала лем два рокы, и Наоми не любить пакостны порувнаня их двох. «Моя плавба была абсолутно иншака», — наголошуе она. «Еллен професионална шпортовкыня, а я была авантуристка».[3]
Жерела и одказы
[едітовати | едітовати жрідло]- 1978: Woman takes world sailing record. BBC on this day. 8 June 1978. http://news.bbc.co.uk/onthisday/hi/dates/stories/june/8/newsid_2500000/2500541.stm. [перевірено 2023-05-31].англ.
- James, Naomi (1949–) // Dictionary of Women Worldwide: 25,000 Women Through the Ages. Encyclopedia.com. 26 May. 2023. https://www.encyclopedia.com/women/dictionaries-thesauruses-pictures-and-press-releases/james-naomi-1949. [перевірено 2023-05-31].англ.
- Michael deCourcy Hinds (23 September 1979). Unlikely Round-the-World Sailor Learned How on the Way. The New York Times, page 60. https://www.nytimes.com/1979/09/23/archives/unlikely-roundtheworld-sailor-learned-how-on-the-way.html. [перевірено 2023-05-31].англ.
- Chris Redman (12 February 2005). The forgotten Dame who sailed round the world. The Independent. https://www.independent.co.uk/news/the-forgotten-dame-who-sailed-round-the-world-1530210.html. [перевірено 2023-06-01].англ.