Ле Корбизье
Ле Корбизье | |
---|---|
Le Corbusier | |
Le Corbusier (1964).jpg | |
![]() | |
Le Corbusier | |
Уроджѣня | Charles-Edouard Jeanneret-Gris октобра 6., 1887 La Chaux-de-Fonds, Швайц |
Умертя | авґуста 27., 1965 (77 р.) Roquebrune-Cap-Martin, Франция •сердцьовый напад |
Погреб | Рокбрюн-Кап-Мартен |
Занятя | архитектор, малярь |
Народность | Француз |
Родом | з Швайцу |
Горожанство | швайцарске, з 1930 французске |
Участь | Documenta 2 |
Час творбы | 1913-1965 |
Тренд | модернизм, функционализм |
Батько | Georges-Édouard Jeanneret |
Брат, сестра | Albert Jeanneret |
Супруг(а) | Ивонн Галли, 1930 (фр. Yvonne Gallis), |
Вызначны роботы | Нотр-Дам-дю-О, Вилла Савой, Житлова одиниця, Лучезарный город, Здание Центросоюза |
Одзнакы | |
Командор ордена Мистецтв і літератури (1957) | |
![]() | |
VIAF:56612471; GND:118676873; LCCN:n79021788; FAST:31821; BNF:119115569; NLKR/NLC:jn19981001733; OL:OL27962A;
|
Ле Корбизье, властным йменом Шарл-Едуар Жаннере-Гри, фр. Charles-Edouard Jeanneret-Gris (6. октобра 1887, Ла-Шо-де-Фон, фр. La Chaux-de-Fonds, Швайц – 27. августа 1965, Рокебрин-Кап-Мартен фр. Roquebrune-Cap-Martin, Франция). Походжѣньом франко-швайчарскый архитектор, урбаниста, теоретик архитектуры и малярь. Своим радикалным дѣлом и вытварным чутьом выразно овплывнив вывой модерной архитектуры. Признаваный за найвекшого архитектора 20. стороча.
Ле Корбизье, ачей найвплывнѣйшый архитектор XX. стороча. Од него ся зачинало множество урбанистичных штилох, серед котрых – модернизм, функционализм, конштруктивизм. А его славны "5 выходиск новой архитектуры" стали ся напутством про даколько генераций проектантох и дизайнерох. В них суть ухвачены главны елементы модерных будов: стовпы-опоры, плоскы стрѣхы-терасы, вытягнуты вздовж стѣн окна, а тыж вольне планованя фасадох и внуторных просторох. В основѣ, Ле Корбизье домогав ся того, обы всяка будова представляла собов дашто як складачка, части котрой мож бы было компоновати подля потребы конкретной задачи. Его концепция обсягнута во формулѣ: "Дом – машина про бываня".— В.Лабузна. Дом – машина про бываня, Радио "Вести ФМ" русс.
Биография
[едітовати | едітовати жрідло]![](http://upload.wikimedia.org/wikipedia/commons/thumb/2/2e/Cdffallet.jpg/250px-Cdffallet.jpg)
![](http://upload.wikimedia.org/wikipedia/commons/thumb/9/9f/Centrosoyuz_Moscow_-_Ak_Sakharova_view.jpg/250px-Centrosoyuz_Moscow_-_Ak_Sakharova_view.jpg)
![](http://upload.wikimedia.org/wikipedia/commons/thumb/b/b9/United_Nations_Building_NY.jpg/250px-United_Nations_Building_NY.jpg)
![](http://upload.wikimedia.org/wikipedia/commons/thumb/e/e7/Expo58_building_Philips.jpg/250px-Expo58_building_Philips.jpg)
Отець му быв ремеселник-годинарь, котрый смалтовав шкатулкы и годинкы, а мати выучовала игрѣ на пианѣ. Старшый брат му став ся аматерскым гудаком. З отцьом и старшым братом часто ходив по верхах околичных гор, и як написав пак у споминках: "мы фурт были на верхах гор; мы выростали, навыкнуты на широкы просторы."[1] Учив ся гравированя и ражѣня в умѣлецкой школѣ в родном мѣстѣ (1900-1904), жебы ити по слѣдах отцьового ремесла. Тото была его цѣла фахова наука. Професор кресбы, Шарл Л'Еплаттенье радив свому ученику ити дале учити ся на архитектора. "Мав ем страх перед архитектуров и архитекторами," споминав тот "...мав ем 16 рокы, выслухав ем вердикт и покорив ся. Пошов ем в архитектуру."[2] Сам себе называв самоуком, бо вшитко инше научив ся з властной практикы и в своих подорожах по Европѣ.
- 1905 — яко помочнник фахового архитектора выставив свою перву будову: приватну виллу про гравера Луи Фалле.
- 1907 — подорож до Будапешту и Вѣдня.
- 1908-1910 робота и практика в Парижу.
- 1910-1911 робота и практика в Германии.
- 1911 — подорож по Сербии, Булгарии, Турции, Греции, Италии.
- 1914-1917 — во своей старой школѣ в Ла-Шо-де-Фон учить архитектуру и модерне будовництво.[3]
- 1917 — дефинитивно оселять ся в Парижу.
- 1920 — приберать псевдоним Ле Корбизье (од призвиска дѣда по матери).
- 1921 — отварять властный архитектурный ательер, од року 1924 на ул. Севр, 35 (фр. rue de Sevre, 35), де робить до конця живота проекты про цѣлый свѣт.
- 1930 — женить ся з Французков и доставать французске гражданство.
- 1957 — смерть жены.
- 1960 — смерть матери.
- 1965 — умерать на инфаркт при купаню в морю.
Творба
[едітовати | едітовати жрідло]Творба ле Корбизье обсягуе, окрем главного конаря — архитектурных проектох, малярство, скулптуру и книгы на тематику вытварництва, переважно о архитектурѣ. Первый честный диплом достав уже в року 1902 на межинародной выставцѣ умѣлецкых ремесел в Туринѣ, коли еще лем учив ся в умѣлецкой школѣ. На первой етапѣ занимав ся архитектурныма проектами приватных вилл, а по переселѣню до Парижа активно и малярством. Року 1918 выдавать в соавторствѣ свою перву книгу Après le cubisme (По кубизмѣ). В 1920-х роках сформуловав свои славны "5 выходиск новой архитектуры", а в року 1925 на межинародной выставцѣ в Парижу подля его проекту быв выставленый французскый павилон Esprit Nouveau (Новый дух). В другой половцѣ 1920-х ставать ся членом редакторской колегии часописа Современная архитектура, выдаваного в СССР. Ставать ся познатым и в заграничу и доставать там заказкы на солидны проекты. В року 1928 зо своим проект выгравать конкурз и будуе помпезный будинок Центросоюза в Москвѣ. В 1930-х роках походив Сѣверну и Южну Америкы з лекциями по универзитах и з участьов во многых архитектурных и урбанистичных проектах. В 1950-х роках реализовав много грандиозных проектох в Индии, быв конзултантом при проектованю Главного стана ОЗН в Ню Йорку.
Оцѣнѣня
[едітовати | едітовати жрідло]- 1937 — рыцарь Честной легии.
- 1945 — достойник Честной легии.
- 1964 — великый годностарь Честной легии.
- 2016 — до списку объектох Свѣтового наслѣдства UNESCO внесены 17 ставб, котры были ним спроектованы в току 50 рокох творчости а котры ся находять на територии семох держав.[4]
Жерела и одказы
[едітовати | едітовати жрідло]- FONDATION LE CORBUSIER англ.
- Троянский конь большевизма. Со дня рождения архитектора Ле Корбюзье исполнилось 130 лет русс.
Референции
[едітовати | едітовати жрідло]- ↑ Le Corbusier, L'Art décoratif d'aujourdhui (1925), p. 198.
- ↑ Цитоване подля Jean Petit, Le Corbusier lui-meme, Rousseau, Geneva 1970, p. 28.
- ↑ Choay, Françoise. Le Corbusier. George Braziller, Inc. 1960. ISBN 0-8076-0104-7. Pp. 10–11.
- ↑ Umění napříč kontinenty. Mezi památkami UNESCO přibylo 17 staveb od Le Corbusiera чеш.
Тоты даны суть часточно або цалком основаны на перекладї статї Le Corbusier на анґліцькій Вікіпедії.
Тоты даны суть часточно або цалком основаны на перекладї статї Le Corbusier на чеській Вікіпедії.