Коньска сила
![](http://upload.wikimedia.org/wikipedia/commons/thumb/c/c5/Horsepower_plain.svg/400px-Horsepower_plain.svg.png)
Коньска сила — застарѣла несистемна мѣра выкону, котра в державах з метричнов системов мѣр ровна ≈736 Вт, а в англоязычных ≈746 Вт. Перву называють метрична коньска сила, а другу — империална, британска або механична:[1]
Коньска сила продовжать ся поуживати в тракторовом и автопромыслѣ и позначать ся PS (Pferdestärke, по нѣмецкы), CV (cheval-vapeur, по французскы), HP або hp (horsepower, по англицкы).[2]
Авторство
[едітовати | едітовати жрідло]Термин «коньска сила» придумав Джеймс Ватт. В той добѣ тяжку роботу пумпованя воды, двиганя терьху и подобны в промыслѣ, баництвѣ робили з коньми. Ватт, котрый зробив значны вылѣпшѣня в своем парном моторѣ, потребовав доступно пересвѣдчити газдох, кельо коней им може замѣнити его дорогый мотор.[3]
Кельо «кони» мать конь?
[едітовати | едітовати жрідло]Кедь повѣме, же авто мать 75 кони (75 hp), ци то значить, же тягне, як 75 коней довъедна? Хоть видить ся логичным думати, же конь мать едну коньску силу, не е то так. Максималный выкон коня може быти аж 15 hp, а чоловѣка — кус веце як 1 hp. Найлѣпшы шпортовцѣ Tour de France можуть тримати выкон 1,2 hp в интервалѣ 15 s, а выкон 0,9 hp в интервалѣ едной минуты.[3]
Джеймс Ватт не манипуловав з правдов. Означив коньску силу, выходячи з роботы коня, запряженого до конного млина, за цѣлу шихту, подѣливши на ей довжку в минутах и достав 32 572 фонто-стоп за минуту и закруглив на 33 000 фонто-стоп за минуту. Означѣня метричной коньской силы як 75 кг-м за секунду при перерахунку давать 32 549 фонто-стоп за минуту.[1][4]
Е правдов, же максималный выкон коня 15 hp, але середний за цѣлу шихту якраз около 1 hp.[3]
Интересны факты
[едітовати | едітовати жрідло]Калкулуючи подобным способом выраховали середний выкон чоловѣка за цѣлый день и пришли на величину 100 W. Тота «людска сила» достала назву енергетичный слуга.[3]
Жерела и одказы
[едітовати | едітовати жрідло]- Horsepower (по англицкы). Encyclopaedia Britannica. https://www.britannica.com/science/horsepower. [перевірено 2019-06-17].
- Horsepower (по англицкы). Energy Education. https://energyeducation.ca/encyclopedia/Horsepower#cite_note-medlock-2. [перевірено 2019-06-17].
- Лошадиная сила (по русскы). Большая Советская Энциклопедия. http://bse.sci-lib.com/article071478.html. [перевірено 2019-05-20].
Референции
[едітовати | едітовати жрідло]- ↑ 1,0 1,1 Encyclopaedia Britannica/
- ↑ Лошадиная сила
- ↑ 3,0 3,1 3,2 3,3 Energy Education.
- ↑ Tully, Jim (September 2002). Philadelphia Chapter Newsletter. American Society of Mechanical Engineers. Archived from the original on 2007-08-13. https://web.archive.org/web/20070813154716/http://sections.asme.org/philadelphia/sept02.htm. [перевірено 2007-08-11]