Заир
Заир фр. République du Zaïre
| |||||||
Гесло: Paix – Justice – Travail (Мир – Правo – Робота) | |||||||
География
| |||||||
Розлога
|
2 345 410 km²
| ||||||
Обывательство | |||||||
Число
|
46 498 539 (1996)
| ||||||
Народностне зложѣня
|
|||||||
французскый, нгалскый, конжскый, свагили
| |||||||
Державна организация | |||||||
Форма влады
|
|||||||
заир
| |||||||
Взник
|
27. октобер 1971 — переименованя штату
| ||||||
Заник
|
|||||||
|
Заир, официалнов назвов Република Заир — постколониална екваториална держава в Середньой Африцѣ, котра по зысканю независимости од Белгии, периодѣ домовой войны, военского переворота, установлѣня диктатуры Мобуту была переименована 27. октобра 1971 и екзистовала под тов назвов до обалѣня диктатуры 16. мая 1997.[1]
История
[едітовати | едітовати жрідло]30. юна 1960 бывша колония Белгии стала ся независимым штатом Република Конго (Леополдвил), а в року 1964 взяла назву Демократична република Конго.[1]
В року 1965 путьом военного переворота владу взяв бывшый министер обороны генерал Мобуту и в року 1971 дав штату назву Заир, котра подля его думкы была автентична африцка. По обалѣню режима Мобуту в року 1997 штат вернув собѣ назву Демократична република Конго. Домова война тягла ся до року 2003, а в восточной части штату окремы потычкы и дале.[2]
Економика
[едітовати | едітовати жрідло]- Потенциал и вызнам
- Штат вдякы великым природным богатствам еще од колониалного часу быв еднов з головных ресурсных баз про економику западных держав и мав ведучы позиции в свѣтѣ в добываню и вывозѣ диамантох, кобалта, мѣди, золота, цину и цинку.[1] Засобы лѣса в штатѣ — меджи найвекшыма в Африцѣ, а гидроенергии — половка потенциала цѣлого континента.[2]
- Понад 85% вывоза (в грошах) чинить експорт минералных сыровин, главны партнеры: Белгия, США, Франция, ФРГ, Япония..[3]
- Економична политика
- При диктатурѣ Мобуту штат зоставав важным споенцьом западных держав в студеной войнѣ, дав територию под военны базы НАТО, быв асоциованым членом Европского сполоченства, попередника Европской унии.[1] Мобуту знароднив природны богатства и маеток великых горничых компаний, здобывши собѣ при том величезны особны богатства, на што Меджинародный валутовый фонд, Свѣтовый банк и западны партнеры спочатку закрывали очи. Поступно пришло на то, же властникы бизниса мусѣли про его захрану мати приватны войсковы единкы. Економика в роках 1990–1995 упадала рочно на 8,42%, перешла в тѣнь, што наконець вело ку колапсу и домовой войнѣ.По падѣ режиму первый раз рост ГДП указав ся аж в року 2002.[2]
Жерела и одказы
[едітовати | едітовати жрідло]- Ntsomo Payanzo, Bernd Michael Wiese, Dennis D. Cordell, René Lemarchand. Democratic Republic of the Congo, capital at Kinshasa. Encyclopaedia Britannica online. https://www.britannica.com/place/Democratic-Republic-of-the-Congo. [перевірено 2019-05-06].
- Кудрицкий А.В.: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8
- Трёшников А.Ф.: Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6