Гончаров, Иван Александрович
|
Иван Гончаров | |
|---|---|
| Ivan Goncharov.jpg | |
| |
| Уроджѣня | юна 18., 1812 Симбирск, Российска империя |
| Умертя | септембра 27., 1891 (79 р.) Санкт-Петербург, Российска империя •пневмонія |
| Погреб | Літераторські мостки |
| Занятя | прозаик, литературный критик |
| Язык творох | російскый |
| Горожанство | Російска імперія |
| Праца | Петербурзька академія наук |
| Час творбы | 1838–1869 |
| Жанры | роман |
| Тренд | натурална школа, реализм |
| Родина | Гончаровы |
| Супруг(а) | none |
| Вызначны роботы | Звичайна історія, Обломов, Обрив |
| |
| VIAF:71391722, 304918095; GND:118540734; LCCN:n79056733; FAST:35943; BNF:11905384r; NLKR/NLC:jn20000602045; OL:OL116017A;
| |
Ива́н Алекса́ндрович Гончаро́в, *18. юн (6. юн Юл. кал.) 1812, Симбирск, Российска империя – †27. септембер (15. септ. Юл. кал.) 1891, Санкт-Петербург, Российска империя — русскый писатель и литературный критик, дописный член Петербургской академии наук в секции русского языка и словесности (1860), повный штатный радник. Автор высоко оцѣненых романох, котры змальовують социалны перемѣны в России и обсягують найвеце живы и затямливы поставы в русской литературѣ.[1]
Биография
[едітовати | едітовати жрідло]Гончаров походив з богатой купецкой фамилии и, закончивши Московску универзиту в року 1834, майже 30 рокы служив як урядник раз на Министерствѣ финанций, а пак на Министерствѣ цензуры. Лем една необычайна подѣя была в его спокойном животѣ — плавба доокола свѣта в рокох 1852–1855, в котрой мав функцию секретаря русского адмирала.[1]
Фрегат Паллада
[едітовати | едітовати жрідло]В той выправѣ под проводом адмирала Путятина плавали через Англию, довкола Африкы, навщѣвили Китай, Японию. Во фебруарѣ 1855 вернув ся до Петербурга сухопутным путьом, через Сибирию. Доймы вандровника склали ся на циклус записок Фрегат Паллада, публикованых в часописах (1855–57); окреме выданя 1858. В них з великым писательскым майстерством змальовав природу, психологию, способ живота и звычаи народох Европы и Азии, приход капитализма до патриархалного свѣта Востока.[2]
Три романы
[едітовати | едітовати жрідло]Найвекшым дѣлом Гончарова суть три романы. Первый з них, Обычайна история («Обыкновенная история», 1847), похваленый вплывным критиком Виссарионом Белинскым, зробив автора нараз познатым писательом. Другый, Обломов (1859), поважованый за еден з найважнѣйшых русскых романох, указуе контраст меджи аристократичным и капиталистичным станами в России и несхвално малюе способ живота, закладеный на панщинѣ. Его протагониста, Обломов, щедрый, але вагавый молодый дворянин, од котрого одыйде люблена жена ку его енергичному, прагматичному цимборови. Роман ся указуе триумфом характеризации. Од его назвы походить русскый термин обломовщина, што означать заосталость, инертность и безперспективность российского сполоченства XIX. стороча. И третий роман, Зарва («Обрыв», 1869), прекрасный, але уступать ся Обломову. Во вшиткых трьох легковажному снийкарьови протистоить ефективный дѣлаш, а тот контраст указуе социалну ситуацию в России добы ростучого капитализма, котрому тяжко сполужити з аристократичныма традициями.[1]
Литературна критика, мала проза
[едітовати | едітовати жрідло]В послѣдных роках живота, лишивши службу и выйшовши на пензию, Гончаров написав начеркы Слугы минулого, Нещастна доля («Слуги старого века», «Превратность судьбы»), повѣданя Писательскы вечуркы («Литературный вечер»), критичны статьи. В найлѣпшой з них — Самы грызоты («Мильон терзаний», 1872), котра засвѣдчила блискачый талент Гончарова як литературного критика, дана тонка оцѣнка обсягу и умѣлецкой своефайтовости комедии Александра Грибоедова «Горе от ума» и ей сценичного поданя. Окреме интересны критичны запискы Гончарова о своей властной творбѣ. Литературно-критичны статьи Грибоедова обсягують глубоке обгрунтованя принципох критичного реализма.[2]
Жерела и одказы
[едітовати | едітовати жрідло]- Ivan Aleksandrovich Goncharov. Encyclopedia Britannica. 14 Jun. 2022. https://www.britannica.com/biography/Ivan-Aleksandrovich-Goncharov. [перевірено 2022-06-19].англ.
- Пирогов Г. П.. Гончаров И.. // Краткая литературная энциклопедия / Гл. ред. А. А. Сурков. М.: Сов. энцикл., 1964. Т. 2, Стб. 261–266. http://feb-web.ru/feb/kle/kle-abc/ke2/ke2-2612.htm. [перевірено 2022-06-19].русс.