Болонья

Главный город региона Емилия-Романья Болонья Bologna Застава Герб Держава ИталияИталия Регион Емилия-РоманьяЕмилия-Романья Метрополитный город Болонья Комунита Болонья Координаты 44.5, 11.3544°30′00″ с. ш. 11°21′00″ в. д.44.5° с. ш. 11.35° в. д.    Розлога 141 км² Надморска вышка центра 54 м Обывательство 390 625 особ (31-12-2019) Часова зона UTC+1, влѣтѣ UTC+2 Телефонный код +39 051 Поштовый индекс 40100 Официалный сайт Bologna ит. Болонья

Болонья, ит. Bologna — главный город региона Емилия-Романья на сѣверѣ Италии з обывательством 390 625 особы (зачатком рока 2020), семый найвекшый город Италии.

Полога

Лежить на сѣверѣ державы в сѣверной подошвѣ Апеннин меджи рѣками Рено и Савена. Важный транспортный узел на перетинѣ дорог, што звязують Сѣвер и Центер Италии.

История

Од VI. стороча до н. е. называла ся Фелсина (Fеlsiпа) и была главным городом етрускох. Од року 189 до н. е. — римска колония Бонония (Вопопіа). Од конця VIII. стороча под патронатом Папы. Права городской комуниты Болонья достала од року 1116, а в року 1158 достала шпециалны привилегии од императора Священной Римской империи. В XIII. сторочу ся стала торговым и ремеселным центром европского вызнаму и вошла в число 10 найвекшых городох Европы. В року 1512 прилучена ку Папскому штату и зоставала в том статусѣ до року 1860, окрем рокох 1797–1815, коли входила в створену Наполеоном Цизалпинску републику.

Газдовство

До Первой свѣтовой войны газдовство Болоньи переважно было звязане з аграрнов выробов уродной околичной ровнины. Хоть аграрный и потравиновый секторы суть и дале важны, днесь ся город вывинув на индустриалный центер з продукциов земледѣлскых машин, електричных моторох, моторок, желѣзничного обладунку, хемикатох и обуви.

Наука и култура

Болонья — важный културный центер; ту скуплене тыж значне число научных инштитуций: меджи нима Центер нуклеарных выгледовань (зашто город часто называють «талиансков силиконовов долинов»), Академия красных умѣлств (1710), Академия наук Болоньи (1711), Аграрна академия (1807), Талианска академия економии (1813), Болоньска универзита (1088). Понад 200 библиотек, в том числѣ библиотека Кардуччи (1907), библиотека Сан-Доменико (1218). Понад 43 музеи и галереи. Театры: Арена-дель-Соле, Деон, Дузе, дѣтскый Театр Тестон идр.

Жерела и одказы

• Bologna. Encyclopedia Britannica. 14 Apr. 2016. https://www.britannica.com/place/Bologna-Italy. [перевірено 2022-02-05]. англ.
• Галкина Т. А., Павлинов П. С. и др.. БОЛОНЬЯ. // Большая российская энциклопедия. Москва, 2005. Том 3, стр. 729–731. https://old.bigenc.ru/geography/text/1876143. русс.