Божа милость
![](http://upload.wikimedia.org/wikipedia/commons/thumb/b/bf/Latin_cross_%28bold%29.svg/170px-Latin_cross_%28bold%29.svg.png)
Божа милость, дгр. χάρις, лат. gratia блага склонность, благый дар або Божа благодать — в богословии означать божеску силу, даровану од Бога чоловѣкови про його спасѣня во Христѣ.[1]
Незбытность божеской благодати про спасѣня согрѣшившого через Адама цѣлого людства была вызнавана од зачатку христианства, при тому восточны отцѣ Церкви предпокладали попри ней еще ай слободну чинность людской воли, а западны давали Божой милости выимочну вагу. В V. сторочу учѣня о Божой милости было выпрацовано на систему Святым Августином, котрый приписовав спасѣня чоловѣка лем самой Божой милости, яку не мож достати заслугами чоловѣка, але ся давать она мимо всякых заслуг, задарь (gratia gratis data). В той истой добѣ британскый монах Пелагий учив, же ся чоловѣк може спасти властныма силами, без помочи Божой милости. Учѣня Пелагия было засуджене; на востоку и западѣ было приняте учѣня Августина, хоть не в цѣлости (наклонены были вызнати даяку участь людской воли в зысканю Божой милости). В XIII. сторочу тот спор продовжали два монашы чины: доминикане (по боку Августина) и францишкане (по противном боку). В новой добѣ при учѣню Августина зоставають реформаты, напротив, римокатолици стоять за припущѣня участи людской воли в спасѣню.[2]
Жерела о одказы
[едітовати | едітовати жрідло]- Кырлежев А. И.: Благодать //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс. С. 171.
- МЭСБЕ/Благодать //Малый энциклопедический словарь Брокгауза и Ефрона, т. I, вып. 1 (1907) Верзия з датума: 18 марта 2018