Sudan
Sudan | |
---|---|
al-Nasr la-na
(arabo: 'a vittorie jè nuèstre) | |
![]() | |
Date amministrative | |
Nome comblete | Repubbleche d'u Sudan |
Nome ufficiale | جمهورية السودان Jumhūriyyat al-Sūdān |
Lènghe ufficiale | arabe |
Capitale | Khartum (1.974.780 ab. / 2005) |
Politiche | |
Forme de governe | Giunde militare |
Capo di Stato | Omar Hasan Ahmad al-Bashir |
Capo di Governo | Omar Hasan Ahmad al-Bashir |
'Ndipendenze | 1º scennàre 1956 |
Trasute jndr'à l'ONU | 12 novèmmre 1956 |
Superficie | |
Totale | 2.505.810 km² (10º) |
% de le acque | 5,18% |
Popolazzione | |
Totale | 39.148.162 ab. (2004) (31º) |
Denzetà | 15 ab./km² |
Nome de le javetande | Template:AggNaz/Sudan |
Sciugrafije | |
Continende | Africa |
Fuse orarie | UTC +3 |
Economie | |
Valute | Sterline sudanese (da 'u 9/01 2007) |
PIL (nominale) | 92,977 milione de $ (2009) (69º) |
PIL pro capite (nominale) | 2,492 $ (2010) (137º) |
ISU (2010) | 0,379 (vasce) (154º) |
Varie | |
Codece ISO 3166 | SD, SDN, 729 |
TLD | .sd |
Prefisse tel. | +249 |
Sigle autom. | SUD |
Late de guide | Destre (↓↑) |
Inne nazionale | نحن جند الله جند الوطن Nahnu jund Allah jund al-watan ("Sime l'esercite de Dije, l'esercite d'a patrie") |
Feste nazionale | 1º scennàre |
![]() | |
'A Repubbleche d'u Sudan (arabe: جمهورية السودان الديموقراطية) jè 'nu State de ll'Afriche subsahariane.
'U Sudan confine ad est pe' cirche 600 km cu 'u Mar Russe, l'Eritree e l'Etiopie, a sud cu 'u Kenie, l'Ugande ed 'a Repubbleche Democrateche d'u Congo, ad ovest cu 'u Ciad e d'a Repubbleche Cendrafricane e a nord confine cu ll'Egitte e cu 'a Libie.
Jndre termine de grannèzze jè 'u cchiù granne state d'u continende africane. Ôsce a die 'u Sudan ète 'na repubbleche presidenziale rette però da 'na giunde miletare.
'U nome derive da ll'arabe Bilād al-Sūdān, ce vuè dì "Paise de le Gnure", piccè le arabe accussì chiamavane le territorie confinande cu 'u Sahara meridionale, le cui popolazzione èrene 'nfatte de culure.
Sciugrafije
[cange • cange 'a sorgende]![]() |
Pe approfondimende, 'ndruche 'a vôsce Sciugrafije d'u Sudan. |
'U Sudan jè 'nu state acchiate jndr'à vanne nord-oriendale de ll'Africa.
'U paise, ca tène 'na grannèzze auguale a 2.505.810 km² jè 'u cchiù estese d'u continende africane, se affacce sus ad 'u Mar Russe.
Morfologgije
[cange • cange 'a sorgende]'U territorie ète cchiù o mène comboste da chianure. Se iacchiene quacche mundagne jndr'à ll'estreme sud. 'U nord jè prevalentemènde deserteche.
Popolazzione
[cange • cange 'a sorgende]Le sudanese sonde somatecamènde assaje varie e appartènene a deverse etnie origgenate da ll'aunione de le gruppe niloteche, camiteche e semiteche.
Demografije
[cange • cange 'a sorgende]![](http://upload.wikimedia.org/wikipedia/commons/thumb/b/bd/Sudan-demography.png/250px-Sudan-demography.png)
![](http://upload.wikimedia.org/wikipedia/commons/thumb/b/bd/Population_Pyramids_for_Sudan.png/250px-Population_Pyramids_for_Sudan.png)
- Fasce de etate:
- 0-14 anne: 43.7% (maschèle 8.730.609; femmène 8.358.569)
- 15-64 anne: 54.1% (maschèle 10.588.634; femmène 10.571.199)
- 65 e cchiù: 2.3% (maschèle 490.869; femmène 408.282)
- Tasse de crescite d'a popolazzione: 2.64%
- Mortaletate 'nfantile:
- totale: 64.05/1.000
- maschèle: 64.8/1.000
- femmène: 63.26/1.000
- Aspettative de vite: 56,9 anne (uèmmene) / 59,3 anni (fèmmene)
(Totte le date se referiscone a stime d'u 2004.)
Cenzimènde 2008
[cange • cange 'a sorgende]Da 'u 22 ad 'u 30 abbrìle 2008 jè state condotte 'nu cenzimènde naziunale, de cui angore non ge sonde state rese pubbleche le resultate, attese pe' abbrìle 2009. Seconne 'u sciurnàle sudanese al-Sahafa, 'a cetate de Khartum ha ormaje ddà esse arrevate ccu cunde cinghe miglione de crestiáne; 'u Darfur ed 'u Sudan Meridionale honne ddà esse arrevate respettevaènde a cirche 7,5 e 8,2 miglione de crestiáne, ce sonde comblessivamènde cirche 'u 40% d'a popolazzione naziunale. Le sud sudanese ca angore ôsce a die jàvitane cumme sfollate jndr'ô Nord Sudan honne ddà esse cirche 500mile. Le autoretate d'u Sudan Meridionale honne ditte de non g'essere disposte ccu pigghie n'consideraziune «nisciune cundegge ca non ge certifeche ca le crestiáne d'u Sud Sudan sonde 'nu terze d'a popolazzione de lle 'ndere paise».
Ô svolgimènde d'u cenzimènde - 'u prime dope 'a uerre civile accumenzate jndr'ô 1983 e spicciate jndr'ô 2005 e pure 'u prime effettuate condemboraneamènde jndre totte 'u Sudan - jè state particolarmènde comblicate, a cause sije de lle difficoltate logisteche sije de lle assaje situaziune de tensiune, n'particolare jndr'à lle cambe de sfollate jndr'ô Darfur. Nonostande quiste, Abd al-Baqi al-Kaylani, presidende d'u comitate 'ngarecate d'a valutaziune d'u cenzimènde, ha dichiarate ca osservatore 'ndernazionale honne comblessivamènde retenute valide 'u cenzimènde stesse.
Etnie
[cange • cange 'a sorgende]Le prengepále etnie de origgene niloteche sonde:
- dolicocefale, le Shilluk, le Dinka, le Nuer, le Lokuto
- mesocefale, le Nuba, le Fungi, le Bongo, le Nittu, le Madi,
- le Agnuak, le Bari e le popolazzione d'u Darfur, le Belanda e le Luo, ditte pe' errore pure Jur
- alcune tribbù de origgene niloteche cumme le Acholi, le Lango, le Gialuo se ne sonde sciùte ccu jàvite jndr'à Ugande e jndr'ô Kenye.
Accumenzanne da 'u Medioève, cu l'avenùte de lle arabe, quèste popolazzione autoctone gnure se sonde misckate cu le popolazzione camiteche e semiteche cu pelle cchiù chiare e tipe somateche quase augule ad 'u mediterranee ('mbrà lle gruppe etneche cchiù recentemènde immigrate se pòtene signalà le Rashaida o le Hidareb). Sonde pure presende le Tigrine e le Tigré.
Ce stonne pure de lle etnie gnure de origgene non niloteche ca sonde le azandè, soprannumenate Niam-Niam.
Le popolazzione d'u Darfur se scucchiáne jndre quàtte etnie cchiù numerose: Zagawa, Mazalit, Tama e Fur (da cui 'u nome: Dar = sede + Fur); ce stonne pure assaje otre etnie mène numerose.
-
Cammelliere indiggene de ll'esercite anglo-egiziane
-
'Nu dervisce de lle anne vinde
-
Rite releggiose sufi
-
Dervisce (2005)
-
Fèmmene cu 'a cápe cupìrte
-
Derviscio danzande
-
Rite d'a Jabana
Lènghe
[cange • cange 'a sorgende]Le lènghe cchiù deffuse sonde:
- arabe
- le lènghe sudanese
- oriendale, 'u nubiane, 'u nuer-dinka ed 'u Kunama.
Sonde pure presende 'nu munne de lènghe mène 'mbortande, accume 'a lènga begia.
Releggione
[cange • cange 'a sorgende]L'Islam jè 'a releggione de state: jè professate da 'u 70% d'a popolazzione. 'U 25% professe releggione tradiziunale africane ("animisteche") mendre 'u rumanènde 5% professe 'u Crestiánesime. Animiste e crestiáne jàvitane prevalentemènde jndr'ô sud d'u paise, addò hé accumenzate l'attivitate missiunarie crestiáne jndr'à ll'epoche coloniale.
Totte le lènghe d'a popolazzione sudanese tènene 'na parole Jok, quacche vôte jwok ca pòte ccu esse derivate sije da jo "essere vivende, uèmmene" ca da Jahvé o Geova, dije de lle israelite jndr'ô periode arcaiche, 'u cui segnefecate cange da tribbù a tribbù: quacche vôte inneche l'Essere Supreme, congepite cumme 'u ccrejatore de ll'Universe, quacche otre vôte inneche lle spirite 'nferiore.
Economije
[cange • cange 'a sorgende]- Prudotte naziunale lorde: 70,95 migliarde de dollare USA
- Tasse de 'nflaziune: 8,8%
- Tasse de disoccupaziune: 18,7% (stime 2002)
(Addò non g'ète specifecate deversamènde le date se riferiscone a stime d'u 2004.)
Esportaziune
[cange • cange 'a sorgende]Le esportaziune ammondane a cirche 2,45 migliarde de dollare USA (f.o.b.) e se referiscone a petrolie e prudotte petrolifere, cotone, sesame, arachide, gomme arabiche, zucchere e bestiame.
Le pajèsere verse le quale esporte sonde 'a Cine 40,9%, Arabie Saudite 17,2% e lle Emirate Arabe Aunìte 5,4% (2003).
(Addò non g'ète specifecate deversamènde le date se riferiscone a stime d'u 2003.)
'Mbortaziune
[cange • cange 'a sorgende]'U valore de lle 'mbortaziune jè auguale a 2.383 miglione de dollare USA (f.o.b.) e se referisce a lle seguende prudotte: prudotte alimendare, manufatte, attrezzature meccaneche pe' 'a raffinaziune ed 'u trasporte, medicinale e sostanze chimeche, tessile e grane.
Le pajèsere 'mbortature sonde Arabie Saudite 16,3%, Cine 14,2%, Regne Aunìte 5%, Germanie 4,9%, Indie 4,8%, Frange 4,1%.
(Addò non g'ète specifecate deversamènde le date se riferiscone a stime d'u 2003.)
Tradiziune
[cange • cange 'a sorgende]Embleme e simbole
[cange • cange 'a sorgende]Bandiere
[cange • cange 'a sorgende]Bandiere naziunale
[cange • cange 'a sorgende]-
Bandiere naziunale
Otre bandiere
[cange • cange 'a sorgende]-
Bari
Note
[cange • cange 'a sorgende]
'Ndruche pure
[cange • cange 'a sorgende]Otre pruggette
[cange • cange 'a sorgende]Uicchimedie Commons tène files multimediale sus Sudan
Condrolle de autorità | VIAF (EN) 150756275 · ISNI (EN) 0000 0001 2165 5557 · LCCN (EN) n79022301 · GND (DE) 4058378-8 · BNF (FR) cb11880521p (data) · J9U (EN, HE) 987007554955505171 · NDL (EN, JA) 00571512 |
---|
Collegaminde fore a Uicchipèdie
[cange • cange 'a sorgende]- Sudan sus a Open Directory Project (Segnala sus a DMoz 'nu collegamende ca cendre cu l'argomende "Sudan")