Seguond cudesch da Moses
![](http://upload.wikimedia.org/wikipedia/commons/thumb/b/bd/The_Crossing_of_The_Red_Sea.jpg/220px-The_Crossing_of_The_Red_Sea.jpg)
Il seguond cudesch da Moses (per rumauntsch grischun segund cudesch da Moses) es üna part dal uschedit Pentateuch u da la Tora infra il Vegl Testamaint da la Bibgia cristiauna respectivmaing dal Tenach dals Güdevs. Quist cudesch vain eir nomno Exodus (grec per sortida [da la sclavitüd in Egipta]).
Cuntgnieu
[modifitgar | modifitgar il code]Il seguond cudesch da Moses quinta l’istorgia da Moses scu dal mneder dals Israelits cur ch’els sun sortieus da l’Egipta e chaminos düraunt 40 ans tres il desert da la peninsla da Sinai per river finelmaing al pajais impromiss Israel. L'experienza da gnir delibero dvainta ün fundamaint essential per la cretta güdeva.
I'l decuors da la chamineda artschaivan ils Israelits ils desch cumandamaints sün duos tevlas da crap tres Moses chi ascenda il munt Sinai.
Ils chapitels 35 fin 40 descrivan la fabrica e l'inauguraziun da la tenda dal tabernacul sench.
Il nom da Dieu
[modifitgar | modifitgar il code]Da grand'importanza teologica es la palanteda dal nom da Dieu in 3,14: יהוה (ebraic, pronunzcho "Jahwe"), que voul dir "eau sun quel ch'eau sun", per gnir inclet i'l sen "eau rest il listess, rest fidel vers me e vers las creatüras".