Creatio ex nihilo
![](http://upload.wikimedia.org/wikipedia/commons/thumb/c/c7/Tissot_The_Creation.jpg/220px-Tissot_The_Creation.jpg)
![](http://upload.wikimedia.org/wikipedia/commons/thumb/0/02/Nuremberg_chronicles_-_f_2v.png/220px-Nuremberg_chronicles_-_f_2v.png)
La colliaziun da noziun latina Creatio ex nihilo (= creaziun our da l'ünguotta) es ün term tecnic da la teologia e da la filosofia.
Teologia
[modifitgar | modifitgar il code]Infra la teologia cristiauna surpiglia l'impissamaint d'üna Creatio ex nihilo la funcziun d'exprimer in möd cler ed evidaint cha Dieu e la creaziun nu sun listess brichafat, dimpersè ch'üna differenzcha qualitativa exista.
Bibgia
[modifitgar | modifitgar il code]La Bibgia formulescha l'ideja da la creatio ex nihilo be illa scrittüra apocrifa dal seguond cudesch dals Maccabeers: "Eau at rouv, mieu iffaunt, contemplescha il tschêl e la terra; guarda sün tuot che cha'd es e recugnuoscha: Dieu ho fat que our da l'ünguotta, ed uschè dvaintan eir ils umauns" (chapitel 7, vers 28).
Il raquint da creaziun i'ls chapitels ün fin trais dal prüm cudesch da Mose Genesis discuorra indirectamaing eir d'üna creatio ex nihilo. Ma la purteda es dispüttaivla traunter ils scienzios dal Vegl Testamaint.
Filosofia
[modifitgar | modifitgar il code]La suotdisciplina filosofica teologia natürela prouva d'elavurer l'impissamaint da la creatio ex nihilo be in vigur da la radschun e sainza resguarder la revelaziun biblica u uschigliö religiusa. Causa cha tuot es pel cas e mortel, sto esser ün cumanzamaint chi'd es absolut. aristoteles e sieus scolars fin a la scolastica dal temp d'immez concludeschan dimena üna prüma causa chi correspuondescha cul pled religius Dieu.
Litteratura
[modifitgar | modifitgar il code]- Gerhard May: Schöpfung aus dem Nichts: Die Entstehung der Lehre von der creatio ex nihilo. (= Creaziun our da l'ünguotta: L'origen da la doctrina davart la creatio ex nihilo), De Gruyter, Berlin tr.o. 1978 (Arbeiten zur Kirchengeschichte 48 [= Lavuors davart l'istorgia da baselgia]), ISBN 3-11-007204-1.