Belmopan
Belmopan | |||
Citad | |||
---|---|---|---|
![]() | |||
Belmopan ord l'aria | |||
| |||
Motto: City of Promise (La citad da l'empermischun) | |||
Administraziun | |||
Pajais | ![]() | ||
District | Cayo | ||
President da la citad | Khalid Belisle | ||
Territori | |||
![]() | |||
Coordinatas: xyz | |||
Autezza | 76 m s.m. | ||
Surfatscha | 32,78 km² | ||
Populaziun | 16 451 abitants (2010) | ||
Autras infurmaziuns | |||
Preselecziun | (+508) 8 |
Belmopan è la chapitala dal Belize (fin il 1972 las Honduras Britannicas), in stadi en l'America Centrala. La citad dumbra radund 17'000 abitants.[1] Il num Belmopan è in term artifizial cumpost dals pleds Belize e Mopan, in flum da la regiun. La citad da Belmopan è vegnida fundada il 1. d'avust 1970.[2]
Survista
[modifitgar | modifitgar il code]Belmopan giascha en l'ost dal flum Belize, sin 17°15' da ladezza settentriunala ed 88°46' da lunghezza occidentala sin in'autezza da 76 meters sur mar. La citad sa chatta en la provinza da Cayo, var 80 km pli a l'intern da la terra che l'anteriura chapitala Belize City. Lezza è vegnida devastada fermamain durant il hurican Hattie dals 31 d'october 1961.
L'onn 1965 han ins decidì definitivamain d'eriger ina nova chapitala en in lieu segir ed il 1970 han ins pudì dischlocar la sedia da la regenza da las Honduras Britannicas a Belmopan. Las edifizis da la regenza èn vegnidas construidas en in stil modern inspirà da l'architectura dals Maya classica. Oriundamain era la chapitala planisada per 40'000 abitants, ma causa sia situaziun geografica ed il clima chaud e stitg, dumbra la citad fin ussa mo 17'000 abitants. La plipart da las grondas interpresas ed organisaziuns sco era las pli bleras ambassadas sa chattan anc adina a Belize City.
A Belmopan sa chatta era l'Universitad dal Belize. Destinaziuns d'excursiuns populars enturn la citad èn il Parc naziunal da Guanacaste ed il Belize Zoo. Davent da Belmopan pon ins era far excursiuns tar il cuvel Actun Tunichil Muknal ch'è in impurtant lieu da chat archeologic.
Citads partenarias
[modifitgar | modifitgar il code]- Lansing, Michigan, USA
Persunalitads
[modifitgar | modifitgar il code]- Dion Frazer (* 1981), giugader da ballape
Colliaziuns
[modifitgar | modifitgar il code]![Commons](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Portal turistic da la citad da Belmopan (englais)
- Pagina uffiziala da l'administraziun municipala (englais)