Augustinus da Hippo
![](http://upload.wikimedia.org/wikipedia/commons/thumb/2/23/AugustineLateran.jpg/220px-AugustineLateran.jpg)
![](http://upload.wikimedia.org/wikipedia/commons/thumb/b/b6/TolleLege.jpg/220px-TolleLege.jpg)
Augustinus da Hippo, eir nomno: Augustinus da Tagaste, Augustin u Aurelius Augustinus (* als 13 da november 354 a Tagaste in Numidia, hoz il lö Souq Ahras in Algeria; † als 28 d'avuost 430 a Hippo Regius in Numidia, hoz Annaba in Algeria) d'eira ün teolog e filosof al cunfin traunter las epocas da l'antica e dal temp d'immez.
Vita
[modifitgar | modifitgar il code]Augustinus es creschieu sü in üna famiglia, illa quela il bap Patricius d'eira ün pajaun (battagio pür immediatamaing aunz la mort) e la mamma Monica üna cristiauna.
Zieva ün stüdi da retorica gniva Augustinus clamo l'an 384 a Milaun innua el vaiva da scriver discuors d'onur e da lod pel impertatur Valentinus II..
L'an 386 vaiva augustinus l'experienzcha da conversiun renomneda, da la quela el svess raquinta in sia autobiografia, illas confessiones. In ün üert udiva'l üna vusch chi'l cumandaiva: tolle lege (= piglia sü e legia). Lura chattaiva'l üna collecziun da las chartas dal apostel Paulus. In avrind il cudesch al daiva in ögl ün vers da la charta als Romauns: "Na in maglier e lapper, na in lascivited e obscenited, na in dantigl ed invilgia, dimpersê vus dessat trer aint il Segner Gesu Crist e nu cultivè il charn per l'excitaziun da vossa vöglia" (chapitel 13, vers 13–14).
Illa not da Pasqua 387 laschaiva'l as battager a Milaun tres l'ovas-ch Ambrosius.
Dal 396 fin a sia mort d'eira Augustinus ovas-ch da Hippo in Africa dal Nord. El es mort düraunt cha'ls vandals assediaivan la cited.
Recepziun
[modifitgar | modifitgar il code]Augustinus vain considero scu il bap da la baselgia occidentela. La baselgia catolica romauna l'onurescha scu ün sench, l'ortodoxia scu ün beo. Sül protestantissem vaiva el grand'influenza tres la teologia da Martin Luther chi surpigliaiva bgers impissamaints d'Augustinus, impustüt sül champ da la doctrina da grazcha.
Ouvras
[modifitgar | modifitgar il code]Ouvras autobiografics
[modifitgar | modifitgar il code]- Confessiones (= Confessiuns, raquints da si'egna vita, traunter oter da sia conversiun)
Ouvras filosofics
[modifitgar | modifitgar il code]- De civitate Dei (= Dal stedi da Dieu)
- De trinitate (= Da la trinited; ouvra principela cumpigliand 15 toms)
Chanzuns
[modifitgar | modifitgar il code]A vain quinto ch'Augustinus hegia poetiso insembel cul ovas-ch Ambrosius l'imna da lod da Dieu Te deum.