کوټه (ښار)

کوټه
کوئټه
Quetta City in evening Quetta City in evening
کورډېناټونه: 30.192°شمال 67.007°ختيځ / 30.192; 67.007
د رامنځته کېدو نېټه	۱۸۷۶
اداري وېش
هېواد	پاکستان
صوبه	بلوچستان
ښار	کوټه ولسوالۍ
خپلواکه قصبې	2
پلازمینه د:	د کوټه ولسوالۍ بلوچستان
حکومت
• ډول	ښار
• مېر	کليم الله کاکړ
• کمشنر	کامبر دشتي
• دوېم کمشنر	عبدالطيف کاکړ
پراخوالی
• پراخوالی	۲٬۶۵۳ کلوميټر٢ (۱٬۰۲۴ میله  مربع)
لوړوالی	1680 متر
نفوس شمېرنه (2010)
• ټولټال	۲۵۲٬۴۱۰
وروستي مالومات
سيمه ييز د زنګ کوډ	+9281
جيو کوډ	1167528
رسمي وېبپاڼه	د تاييدولو سرچينه

کوټه

کوټه

}} کوټه چي د شالکوټ په نامه هم ياد سوی دی، د اوسني پاکستان یو ښار دی چې د بلوچستان ايالت پلازمېنه (مرکز) گڼل کېږي. دا ښار د بلوچستان ايالت تر ټولو ستر ښار دی چې د حکومت معلوماتو سره سم ۵۶۵۱۳۷ وگړي لري، او له سمندر څخه (۵۵۱۰) فوټه لوړ دی.

پېښلیک

د تاریخپوهانو په وینا کوټه د ساسانیانو سلطنت په دوره کي رامنځ ته سوې ده، چي د لرغوني افغانستان یوه برخه ګڼل کیږي. دغه ښار په ۷مه زیږدیزه پیړۍ کي د افغان واکمن سلطان محمود غزنوي له لوري فتحه او د اسلامي نړۍ یوه برخه وګرځېدل. ورپسې کله چي په هندوستان کي د مغولو سلطنت واک په لاس کي واخیستی، کوټه ددوی د واکمنۍ یوه مهمه ستراتیژیکه سیمه وګرځېدل.

په 1709 زیږدیز کال کي کله چي افغانانو د هوتکي واکمنۍ په دوران کي صفوي یرغلګر مات او خپلواکي یې واخیستل، کوټه بیرته د افغانستان یوه برخه سول او د درانیانو د واکمنۍ پر مهال په 1747 کي په رسمي ډول د افغانستان یو ښار وګرځېدی. د دراني واکمنۍ تر کاواکه کېدو وروسته د انګرېزانو له لوري پر افغانستان د یرغل په پایله کي کوټه د جګړې په لمړيو کرښو کي واقع او د بریتانوي هند په لاس کښېوتل.

په 1876 کال کي کوټه د انگریزي لښکر له خوا سقوط او په ښار کې یې یوه لويه پوځي چاوڼۍ جوړه کړه. پر 1935 کال کي دغه ښار د زلزلې له امله ویجاړ سو، چي د مالوماتو سره سم ۴۰۰۰۰ تنه پکښي مړه سول. په 1947 کال کي کوټه ښار د بلوچستان ایالت مرکز او د ډیورنډ د نامنل سوي تړون په پایله کي پاکستان ته وسپارل سو، چي تر ننه هم د پاکستان په لاس کي دی.