بلراج کومل
بلراج کومل | |
---|---|
جم | 25 ستمبر 1928 |
تاریخ وفات | 25 نومبر 2013 (85 سال)
|
شہریت | ![]() |
عملی زندگی | |
پیشہ | شاعر ، لکھاری |
پیشہ ورانہ زبان | اردو |
اعزازات | |
ترمیم ![]() |
بلراج کومل اردو دا شاعر سی جس دا جم سیالکوٹ (ہن پاکستان) وچ 25 ستمبر 1928 نوں ہویا۔کجھ سالاں بعد اوہ اپنے پروار نال فروزپور آ گیا۔
تعلیم
[سودھو]بلراج کومل نے 1944 وچ ایچ۔ایم۔ہائی سکول،فروزپور توں میٹرک دا امتحان پاس کیتا۔میٹرک توں بعد ایف۔اے اتے بی۔اے دے امتحان وی اسے شہر وچلے کالج وچ پاس کیتے کجھ سماں بعد اس نے ایم۔اے(انگلش)دی ڈگری وی حاصل کر لئی۔
بلراج کومل اردو وچ جہڑیاں نظماں لکھدا سی،اوہناں وچ کئی وار پنجاب وچ واپریاں واقعے دا ذکر ہندا سی۔دیس دی ونڈ دا درد اس نے اپنے ہڈاں تے ہنڈھایا سی۔سبھ توں پہلاں 1946 وچ اس نے کجھ کہانیاں لکھیاں پر چھیتی ہی اس دے اندر دے شاعر نے غزلاں اتے نظماں دی سرجنا کرن لئی اوہنوں راغب کیتا۔1948 وچ اوہ جالندھر وچ اپنی جان-پچھان والے اردو شاعر(گربخش سنگھ) مخمور جالندھری کول آ گیا،جس نے اس نوں نظماں لکھن دی صلاحَ دتی۔پاکستان وچ ڈاکٹر۔وزیر آغا نے اس نوں یوسف ظفر اتے قیوم نظر توں اگلی پیڑھی دا سرکڈھّ شاعر گردانیا۔
مان-اعزاز
[سودھو]"میر اکادمی،لکھنؤ ایوارڈ"،"دلی اردو اکادمی ایوارڈ"،"غالب ایوارڈ"،"شومنی اردو ساہتکار ایوارڈ"اتے "پدمشری ایوارڈ" حاصل کیتے۔"ساہت اکادمی ایوارڈ"اس نوں اوہدے شعری مجموعہ 'پرندوں بھرا آسمان' لئی 1985 وچ مل گیا سی۔ اس دیاں چونویاں نظماں دا اک وڈا مجموعہ،'لمبی بارش'،2002 وچ "ساہت اکادمی"،نویں دلی ولوں شائع کیتا گیا جس دا 2007 وچ انگریزی وچ ترجمہ وی ہویا۔
اخیر اوہ وقت وی آ گیا جدوں بلراج کومل 85 سال دی عمر وچ بیمار رہن لگا۔ادوں وی کئی وار اوہ اپنا ایہہ شعر؎ ملن والیاں نوں سناؤندا ہندا سی:-
چلا جاتا،میں اس کو چھوڑ کر
شاید بہت پہلے
ابھی اس شہر میں لیکن
مرے کچھ کام باقی ہیں۔
اردو دا ساڈا ایہہ شاعر 2013 وچ خاموش ہو گیا۔