ابن رشد
![](http://upload.wikimedia.org/wikipedia/commons/thumb/8/82/AverroesColor.jpg/300px-AverroesColor.jpg)
ابن رشد ریاضی دان ، فلسفی ، ماہر علم فلکیات تے ماہر طب سی ۔ اوہ 1162ء چ قرطبہ چ جمیا ۔ ابن طفیل تے ابن اظہر ورگے مشہور عالماں توں دینیات ، فلسفہ ، قنون ، علم ا لحساب تے فلکیات دی تعلیم حاصل کیتی ۔ خلیفہ یعقوب یوسف دے زمانے چ قرطبہ تے اشبیلیہ دا قاضی رہیا ۔ اندلس دے خلیفہ المنصور نے کفر دا فتوی لا کے اسدیاں ساریاں کتاباں ساڑ سٹیاں تے اسنوں نظر بند کردتا ، کجھ مہنےآن دی نظر بندی دے بعد مراکش چلا گئیا تے اوتھے ای مرئیا ۔ ارسطو دے فلسفے دیاں بہت چنگیاں شرحاں لکھیاں ، جنہاں دے لاطینی بولی دے علاوہ یورپ دیاں ہور دوجیاں کئی بولیاں چ ترجمے ہوئے ۔
![](http://upload.wikimedia.org/wikipedia/commons/thumb/2/27/Colliget_Auerrois_totam_medicinam_V00026_00000002.tif/lossy-page1-220px-Colliget_Auerrois_totam_medicinam_V00026_00000002.tif.jpg)
ابن رشد دا بنیادی نظریہ ایہہ سی کہ انسان دا ذہن اک طرح دی صلاحیت اے جہرا باہر دی کائنات توں ذہانت لئے کے اسنوں علم دی شکل دیندا اے ، انسان جماندرو ذہین نئیں ہندا تے ساریاں انساناں دی ذہانت اکو ورگی اے ۔ ۔ اوداں تے ابن رشد قنون ، منطق ، عربی بولی دے قاعدے ، علم فلکیات تے طب تے کئی کتاباں لکھیاں نیں پر اسدیاں اوہ کتاباں بہتیاں مشہور نیں جہڑیاں ارسطو دی مابعد الطبیعات دی وضاحت تے تشریح دے سلسلے چ لکھیاں نیں ۔