Guido Grandi

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Matemàtich.
Luigi Guido Grandi a l'era nassù a Cremon-a ël 1^m d'otóber dël 1671 e a l'é mòrt a Pisa ai 4 ëd luj dël 1742.
A fasìa part ëd lë Studi pisan. Fin dal 1702 a l'ha ancaminà a spantié l'anàlisi infinitesimal ant ij sò cors.
A l'era beneditin e dzorantendent a j'eve për ël Granducà ëd Toscan-a.

Euvre prinsipaj

Quadratura circuli et hyperbolae (1703)
Note al trattatello del Galileo del moto naturalmente accelerato (1718)

Ambelessì, tra d'àutre ròbe, Grandi a dëscut ëd la natura dla fòrsa gravitassional, considerand vàire ipòtesi an sla laj ch'a goerna la fòrsa d'atrassion ëd doe masse an fonsion ëd soa distansa: fòrsa costanta, fòrsa proporsional ëd fasson direta o anversa a la distansa, fòrsa proporsional ëd fasson anversa al quadrà ëd la distansa.

Flores geometrici (1728)