Donald Woods Winnicott
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
Pediatra e psicanalista. Donald Woods Winnicott a l'era nà a Plymouth ai 7 d'avril dël 1896 e a l'é mòrt a Londra ai 24 ëd genè dël 1971. Anlev ëd Melanie Klein e davzin a Anna Freud, a l'é stàit ël prim òm a dventé un cap dë scòla ant ël camp ëd la psicanàlisi dle masnà, un setor për sòlit arservà a le fomne. A l'ha creà dij concet che a son al di d'ancheuj dovrà da educator e terapista e a l'é vnù popolar an antërvenend con soa vos fomnin-a an sla BBC antra 'l 1939 e ël 1962 për smon-e ij sò consèj a le mare. Winnicott a l'ha gionzù la partìa dj'Indipendent, creasse apress la gran rusa dël 1940-1944 antra kleinian e annafreudian. Dël 1951 a l'ha creà ël concet d'oget ëd transission për andiché n'oget (na dësmora, n'ors ëd piessa o un tòch ëd tëssù) ch'a l'ha për ël gognin valor eletiv ëd transission antra na relassion oral e na relassion ogetiva. A l'era marià con la pitris, scultris e siramista Alice Taylor, ma dël 1944 a l'é vnù moros ëd n'assistenta sossial, Clare Britton, ch'a l'ha marià dël 1952, apress avèj avù tre atach ëd cheur. |