Mark Forster
| Dialegd: Schbaimarisch |
Mark Forster (*11. Januar 1984 in Lautre) isch än deitsche Sänger und Songwriter aus de Palz, der in Berlin lebt. Er schrieb un komponierte die Lieder vun soine 2 erfolgraische Albe Karton (2010) und Bauch und Kopf (2014) selbscht.
Herkunft und Persenlisches
[Schaffe | Om Gwelltegschd schaffe]Marc Forster isch in Winnweiler ufgewachse un hod soi Hoimatdorf als behaglisch, ländlisch mit sehr schenem Charakder bschriwwe. Awwer da mer dort ke Karriere als Sänger mache kennt, wer er hald noch Berlin gonge. Soi Mudder schdammt aus Warschau. Berlin meent er, wer ach grad uffm halwe Wesch zwische Winnweiler und Warschau.
Mitte Zwanzisch hot er e Pilscherreis uf em Jakobswesch gemacht. Dodezu hot er erklärt: "Man fängt an, über Dinge nachzudenken, von denen man nicht weiß, dass sie in einem stecken. Ich bin zu der Erkenntnis gekommen, dass es wichtig ist, auch mal das Tempo rauszunehmen. Und nicht nur stur aufs Ziel zulaufen." (uff Pälzisch: Ma fongt on, iwwer Dinge nochzudenke, vun denne ma net weeß, dass se in ehm stecke. Isch bin zu de Erkenntnis kumme, dass es wischdisch is, mols Tempo rauszunemme. Un ned nur schdur uffs Ziel loszulaafe.)[1]
Arbeitsweis
[Schaffe | Om Gwelltegschd schaffe]Forster hot sisch Klavierschpiele selbschd beigebrocht. Fers dischde vun soine Songs braucht er, so verzähld ers, viel Zait. Im Onschluss ans Dischde schpield er uffm Klavier e Melodie, die ihm zum Song oifallt un die er dann uffm Compjuder abgspaischerd. Mit geschriewene Note schaffd er nämlisch ned. Im Schdudio veroint er dann Melodie un Text. Fer aischene Songs braischd er efach viel Zait, deswesche het es vier Johr gedauert, bis es zwetee Album rauskumme isch.
Zusammeerwet un Freundschaft mit Sido
[Schaffe | Om Gwelltegschd schaffe]Baim Schraiwe on soim Lied Au Revoir wünschde Mark Forster sisch, dass die zwett Zail in dem Song en Rapper iwwernemme kennt. Zufällisch war er Gaschd in ennere Sendung, die vun Charlotte Engelhardt moderiert worre isch. Die isch die Ehefraa vum Sido und hot ihm verzehlt, dass der de Song "Auf dem Weg" vum Forster oft im Audo here tet und gern e Lied mit ihm uffnemme dät. Forster hott des als Ritterschlach empfunne und mit Telefonnummer, wu ihm die Charlotte gewwe hot, soford ongerufe. Am End hot dann Sido bai zwee Lieder zusamme midm Mark Forster gesunge, nämlisch Au Revoir un Einer dieser Steine. Seither ded se e tiefi Freundschaft verbinne.
Weblinks
[Schaffe | Om Gwelltegschd schaffe]
Commons: Mark Forster – Sammlung vun Bilder, Video un AudiodataieQuelle
[Schaffe | Om Gwelltegschd schaffe]Harald Stein: Live Interview: Mit Sido befreundet - Musiker Mark Forster ist ein echter Pfälzer. Auch ohne Castingshow zum Erfolg. in Durchblick vom 13. Juni 2014, Seite 8