Homburg
|
Daer Ardickel baut der Palz iss in Pälzisch
|
Homburg lait in Deitschland, iss die Kreisschtadt vum Saarpalzkreis un die drittgreschd Schtadt im Saarland, es hot ungefähr 45.000 Eiwuhner. Uff pälzisch werd de Ortsname Humborch ausgeschwäzt.
Geographischi Lache
[Ennere | Quelltext bearbeiten]Homburg lait im Oschde vum Saarland an den Ausläufer vum Pälzerwald. Die weschdliche Schtadtdeel Beeden, Schwarzenbach, Schwarzenacker, Wörschweiler un Ingweiler leie im bzw. am Tal vun de Blies. De deelweis vewende Namenszusadz „(Saar)“ (manchmol ach: „Homburg/Saar“) ist kenn offizieller Beschdanddeel vum Schtadtnamen und bedeid ned, dass Humborch am Fluss Saar lait, sondern ist e Korzbezeichnung fa es Saargebiet. Die nordweschdliche Deel vum Schtadtgebiet leie in de groß weschdpälzisch Moorniederung, dem Landstuhler Bruch, das sich iwwer 40 Kilometer vun Schwarzenbach bis Kaiserslautern erschdreckt. De geographisch diefschde Punkt Homburgs med 218 m befind sich beim Abfluss vun de Blies aus em Homburgerer Schtadtgebiet bei Ingweiler. Die högschd Erhebung ist mit 382 m die Einöder Höh zwischen Kirrberg und Einöd.
Geschichde
[Ennere | Quelltext bearbeiten]Erschde Siedlunge had´s bereids zu de Römerzeid im heidiche Ordsdeel Schwarzenacker als wichtichie Schdation an zwee sich kreizende Fernschdroße (Metz – Meenz und Trier – Straßburg). An gleicher Schdell soll ach eine Siedlung vun de Mediomatriker gewehn sin. Das is allerdings haid umschdridd, besonderschd noh Münzfunde in de Omgechend.
Die Hohenburg war im 12. Jahhunerd Sitz vun de Grafe vun Homburg. Die han 1330 vum Pälzisch Kurfirschd un daidsche Keenich un römisch Kaisa Ludwich dem Bayer far eïhr Schtadt am Fuß vum Schlossberg die Schtadtrechde erhall. Noh dem Dod vum ledschde Graf im Johr 1449 is die Burch un die Schtadt an die Grafe vun Nassau-Saarbrücken gefall. Die bauten in der zwett Hälfd vum 16. Jahrhunerd die Burch in e Renaissanceschloss om.
In de Reunionszeid had de franzesische Könich Ludwich XIV. dorch sei Feschdungsbaumeischder Vauban Schloss und Schtadt in de Johre 1679 bis 1692 zu einer schdarge Feschdung ausbaue geloss. Die Grundschdrugdur vun de AldSchtadt schdammd aus der Zeid. Die Feschdungsanlage sinn 1697 und noh einem Wiederuffbau ab 1705 im Jahr 1714 endgüldich geschleifd wor. Ab 1981 sinn die indrugsvolle Ruine uff em Schlossberch freigeled und restaurierd wor. Sie sinn heid e Sehenswirdichkeed uff de Baroggschdroß SaarPalz.
1755 is die Schtadt dorch e Gebiedstausch vun de Grafschafd Nassau-Saabrigge zum Herzochtum Palz-Zweibrücken komm. Zwische 1778 un 1788 hat de Herzoch Karl II. Auguschd uff em Bucheberg (dem heidiche Kalsberg) bei Homburg Schloss Kalsberg errichde geloß. Im Johr 1779 had er sei Residenz uff de Kalsberg verlegd. Am 28. Juli 1793 is das Schloss vun französische Revolutiondtruppe zerschdörd wor. Bis nom erschde Weldgrieg war Homburg also e Dääl vun de Palz, es iss awa nom Kriech zum Saargebied komm, welches als Mandadsgebied vum Völgerbund unna die Fuchdl vun Frangreich komm un fa die ganze 15 Johr vun de Waimara Rebublik aah dord geblieb is. Ach noom zwedde Weldkriech is es werre beim Saarland geblieb, wie das selbschdännich woor is.