Xander Bogaerts
Pais di nashonalidat | Reino Hulandes ![]() |
---|---|
Nacionalidad deportivo | Tim nashonal di beisbòl hulandes ![]() |
Nòmber di nasementu | Xander Jan Bogaerts ![]() |
Nòmber di dilanti | Xander ![]() |
Fam | Bogaerts ![]() |
Fecha di nasementu | 1 òktober 1992 ![]() |
Lugá di nasementu | Oranjestad ![]() |
Okupashon | pelotero ![]() |
Posishon | shortstop, third baseman, second baseman ![]() |
Miembro di tim òf klup | Boston Red Sox, San Diego Padres ![]() |
Deporte | beisbòl ![]() |
Liga | Major League Baseball ![]() |
Xander Jan Bogaerts (Aruba, 1 october 1992), nomber di cherche “The X-Man” y “Bogey” of “Bogie” ta un pelotero profesional Arubano pa e posicion di short stop pa e ekipo San Diego Padres cu ta forma parti di Liga Mayor Mericano (MLB) na Merca. Previamente e tabata hunga den MLB pa Boston Red Sox. Desde 2011 e ta forma parti di e team nacional di Reino Hulandes.
Bida y Carera
[editá | editá fuente]Bogaerts a nace na San Nicolas, yiu di un mama di Aruba y un tata di Hulanda. E ta ruman morocho di Jair Bogaerts cu tambe ta pelotero profesional, hungando inicialmente pa Boston Red Sox y despues a traslada pa Chicago Cubs na 2012. E tabata e di cinco pelotero Arubiano pa hunga den Major League Baseball, tras di Eugene Kingsale, Calvin Maduro, Sidney Ponson y Radhames Dijkhoff.
Bogaerts su carera deportivo a cuminsa como miembro di e seleccion hubenil di beisbol di Aruba, ganando hopi premio individual. Na aña 2009 Bogaerts a wordo firma como agente liber amateur pa Boston Red Sox. Durante aña 2013 Bogaerts a debuta den wega di MLB y a hunga den 30 wega entre temporada regular y postemporada yudando Red Sox yega e campeonato World Series. El a bira Red Sox su starting short stop na 2014 y a ricibi e “Silver Slugger Award”, otorga pa Liga Mericano pa dos aña consecutivo na 2015, 2016 y atrobe na 2019 y 2022.[1]
![](http://upload.wikimedia.org/wikipedia/commons/thumb/c/c4/Red_Sox_shortstop_Xander_Bogaerts_takes_batting_practice_on_Gatorade_All-Star_Workout_Day._%2828630086476%29.jpg/180px-Red_Sox_shortstop_Xander_Bogaerts_takes_batting_practice_on_Gatorade_All-Star_Workout_Day._%2828630086476%29.jpg)
E tabata un hungador den Weganan di Strea (All Star Games) na cuater ocacion.
Despues di a sali di su contracto di 6 aña balora na 132 miyon dollar cu e la firma cu Boston na 2019, a anuncia dia 8 di december 2022 cu Bogaerts a firma un contracto cu San Diego Padres pa 11 aña, balora na 280 miyon dollar.[2] Dia 29 di april 2023 Bogaerts a marca historia door di bira e prome hungador pa dal un homerun den weganan di MLB den cuater diferente pais: Merca, Canada, Reino Uni y Mexico.[3]
Team di Reino
[editá | editá fuente]Bogaerts ta keda selecciona pa e team nacional di Hulanda y a hunga den Baseball World Cup na 2011 (cua e team a gana) y World Baseball Classic na 2013 y 2017.[4]
Honor
[editá | editá fuente]Na aña 2014 Xander Bogaerts a wordo condecora como Cabayero ("Ridder") den Orden di Oranje-Nassau. Hunto cu e deportistanan talentoso Sarah-Quita Offringa, Shanayah Howell y Chiara Petrocchi, el a keda honra na 2019 cu un stampia di 220 cent di Post Aruba den e serie di deporte diseña pa Armando Goedgedrag.[5] Dia 10 di februari 2021 Commandeur Pieter Boer School na San Nicolas, Aruba ta cambia su nomber pa Scol Basico Xander Bogaerts.[6]
![](http://upload.wikimedia.org/wikipedia/commons/thumb/f/f3/Xander_Bogaerts_vs_Orioles_2018.jpg/220px-Xander_Bogaerts_vs_Orioles_2018.jpg)
![]() |
Mira tambe e kategoria Xander Bogaerts di Wikimedia Commons pa mas dato mediatiko tokante di e tema aki. |
Referensia
|