Beisbòl
Supkategoria di | bat-and-ball game, deporte di ekipo, Olympic sport ![]() |
---|---|
Authority | World Baseball Softball Confederation ![]() |
Pais di orígen | Estadonan Uni di Merka ![]() |
Fecha di descubrimento of invencion | 19. century ![]() |
Praktiká pa | pelotero, baseball player-manager, baseball manager, baseball umpire ![]() |
Ta utilisá | baseball, baseball bat, baseball field ![]() |
Simbolo Unicode | ⚾ ![]() |
Beisbòl ta un wega di bala ku bate, ku ta wòrdu hungá entre dos ekipo di kada un nuebe hungadó ku ta tuma turno di bati i filia.
E ofensa ta hasi atempto di skor kareda dor di bati e bala ku ta keda tirá pa e picher ku un bate ku ta wòrdu di swing ku un bate dor di e bateador i despues kore kontra di oloshi pasa 4 base; primera, segunda, tersera i home plate. Un kareda ta keda hinká ora un hungadó pasa na tur base i yega bek na home plate.
Hungadónan ku ta den e ekipo ku ta bati ta tuma turno pa bati kontra di e picher di e ekipo ku ta filia. E picher aki ta purba na preveni kareda dor di out batedonan den diferente manera. Un hungadó ku ta den e ekipo ku ta na bate i a yega base safe, por purba di roba base ora ku un kolega den su ekipo ta na bate. E ekiponan ta kambia entre bati i filia ora ku e ekipo ku ta filia saka tres out. Un inning ta ensera ku kada ekipo a bini na bate kada biaha, kuminsando ku e ekipo di bishita. Un wega ta ensera lo maksimo nuebe inning i e ekipo ku na final tin mas kareda empuha, ta sali e ekipo ganadó.
Un evolushon di weganan di bala ku bate mas bieu, un vershon mas kurú di beisbòl tabata wòrdu praktiká na Inglatera meimei di siglo 18. E wega aki a keda hibá Merka pa imigrantenan, unda ku e vershon mas moderno a keda desaroyá. Na final di siglo 19 kaba, beisbòl tabata un deporte renombrá na Merka. Aworaki beisbòl ta hopi popular na Nort Amerika, partinan di Amerika Sentral i Sur Amérika, den region di Karibe i Sur Asia.
Na Merka i Canada ekiponan profeshonal den Major League Baseball (MLB) ta dividí den e National League (NL) i e American League (AL), kada un ku tres divishon: Ost, West i Sentral. E kampion di e liga mayó aki ta determiná pa medio di playoff ku ta kulmina den e World Series. E manera di hunga ki ta similarmente partí na Hapon den e Central League i e Pacific League i na Cuba den e West League i East League.
Teritorio karibense di Reino Hulandes
[editá | editá fuente]Beisbòl ta un deporte hopi popular i importante na Aruba i Kòrsou. Kòrsou a produsí su promé hungadó den liga mayó, Hensley Meulens, na aña 1989. E tin un hungadó den liga major pa kada 21.000 habitante. Kompará ku Republika Dominikano (1 pa kada 125.000 habitante) i Merka (1 pa kada 503.000), esaki ta algu hopi uniko i eksepshonal.
![](http://upload.wikimedia.org/wikipedia/commons/thumb/3/3a/Hensley_Meulens_2011.jpg/200px-Hensley_Meulens_2011.jpg)
![](http://upload.wikimedia.org/wikipedia/commons/thumb/f/fd/Sidneyponson.jpg/200px-Sidneyponson.jpg)
![](http://upload.wikimedia.org/wikipedia/commons/thumb/9/92/Andrelton_Simmons%2C_Kole_Calhoun_%2836700894445%29_%28cropped%29.jpg/200px-Andrelton_Simmons%2C_Kole_Calhoun_%2836700894445%29_%28cropped%29.jpg)
Peloteronan popular ku (t)a hunga den eksterior ta inkluí:
- Sharnol Adriana
- Ozzie Albus
- Wladimir Balentien
- Roger Bernadina
- Gianison Boekhoudt
- Xander Bogaerts
- Yurendell DeCaster
- Radhames Dijkhoff
- Shawn Duinkerk
- Bryan Engelhardt
- Gregory Gustina
- Chairon Isenia
- Jonatan Isenia
- Kenley Jansen
- Chicho Jesurun
- Andruw Jones
- Jair Jurrjens
- Eugene Kingsale
- Raily Legito
- Calvin Maduro
- Edsel Martis
- Shairon Martis
- Hensley Meulens
- Dennis Neuman
- Sydney Ponson
- Jurickson Profar
- Dashenko Ricardo
- Jonathan Schoop
- Sharlon Schoop
- Andrelton Simmons
- Randall Simon
- Curt Smith
- Hainley Statia
- J. C. Sulbaran
- Chadwick Tromp