Andy Lee
Rendolf Alonso (Andy) Lee (☆ 3 di april 1965 na Aruba) ta un politicologo, ex-politico y desde 1 di januari 2024 miembro pa Aruba den Raad van State di Reino Hulandes.
| Fam | Lee  |
|---|---|
| Lugá di nasementu | Aruba |
| Okupashon | politiko, civil servant |
| Funshon | miembro di Parlamento di Aruba |
Bida
editáAndy Lee a nace y lanta na Aruba como un di e tres yiu di Tai Fung Lee y Stella Croes. Despues di completa su enseñansa secundario na Colegio Arubano el a bay studia ciencianan politico na Hulanda, graduando na 1993 na Universidad di Amsterdam y continuando despues su estudio na Universidad Erasmus na Rotterdam.[1]
Na 1995 Lee a inicia su carera profesional na Aruba como investigador na Oficina Central di Estadistica (CBS) unda e tabata director di 1995 te 2005.[2] Entre 2012 y 2014 e tabata director di departamento di Relacionnan Exterior di Aruba, como sucesor di Agustin Vrolijk.[3] Entre 2014 y 2018 el a fungi como minister plenipotenciario pa Aruba na Washington D.C., tanto bou di gabinete Mike Eman II como gabinete Wever-Croes I. Bek na Aruba e tabata consehero di minister di Asuntonan General entre 2018 y 2020 y a traha na Banco Central di Aruba como hefe di departamento di investigacion. E ta doño y director di Lee Advisory Training & Real Estate. Entrante 1 di januari 2024 el a keda nombra como miembro di Raad van State representando Aruba y como sucesor di Milly Schwengle.[1]
Den politica el a debuta na aña 2005 riba lista di AVP. E tabata miembro di Parlamento di Aruba di 2005 te 2011. Na 2009 a wordo re-elegi como nr. 4 riba lista y acumulando 1009 voto personal.[4] Como parlamentario e tabata hiba un debate riba nivel y tabata activo den varios comision di parlamento. El a fungi ademas como presidente di e Comision financiero-economico di Parlamento y Comision di asuntonan exterior y di Reino.[5] Na october 2009 e ta wordo elegi presidente di Parlamento di Aruba. Na juni 2010 e ta entrega su retiro como presidente, despues di a perde speransa den e reforma di e sistema parlamentario apesar di varios intento.[3] Fin di 2011 el a tuma retiro como parlamentario y a bandona politica activo.
Lee ta casa cu Margriet Tromp y hunto nan tin dos yiu muhe.[2]
Fuente, nota i/òf referensia
|
