Fransia
Fransia, ofisialmente e Repúblika Franses (franses: République française), ta un pais na West Oropa i na superfisie e pais oropeo di dos mas grandi. Fransia ta keda entre e Kanal Britaniko, e Oceano Atlantiko i e Golfo di Biskaje na parti west, Belgika i Luxemburg na parti nort, Alemania Suisa anto Italia na parti ost, anto Spaña i Andorra, anto e Laman Mediteráneo na parti siut. Tambe e isla di Corsica den e Laman Mediteranio ta parti di e pais Franses, komo varios luganan altamar.
Fransia | ||
---|---|---|
![]() | ||
Informashon básiko | ||
Kapital | Paris | |
Establesimento di soberania | ||
Geografia | ||
Área | 643.801 kilometer kuadra | |
Koordinatonan | 47°N 2°E / 47°N 2°E | |
Demografia | ||
Populashon | 68.373.433 (1 yanüari 2024) | |
Densidat | 106.2 hab/km² | |
Speransa di bida | 82,27317 aña | |
Otro infromashon | ||
Tel. | +33 | |
Mapa detaya di Fransia | ||
![]() | ||
[Editá Wikidata] · [Manual] |
Si bo inklui e areanan ultramar e pais tin un superfisie di 674.843 km² i un poblashon di 65,4 mion hende (januari 2010). Fransia, dor di su forma seisangular ta wordu yamá l'Hexagone, e tambe ta e pais mas grandi den e Union Oropeo. E kapital ta Paris, ku tambe ta e siudad mas grandi di e pais. For di e tratado di Verdun na 843 Fransia ta konosi su historia kontiniua i ku unidat gobernamental di kultural. Fransia ta pesei e poder oropeo mas largu te ainda funshonando. E indentidat kultural Franses ta wordu pensa ku ta mas ku 2000 aña bieu, pasobra e influensia Romano tabata asina grandi. E grensnan ta keda for di e Pas di Nijmegen di 1678 relativamente stabil anto mayoria di nan ta kai riba grensnan natural. Awendia Fransia ta un estado Uni i un republika demokratiko semi-presidenshal. E pais ta miembro di organisashonan grandi i importante manera e UO e NU e Konseho di Seguridat, NATO, G8, OESO i WTO. Fransia tabata un di e initiativonan di e Unidat Monetario di Oropa, ku den 2002 a bini ku e Euro komo moneda di Oropa. Na 1960 Fransia tabata, despues di e Estadonan Uni di Merka, Union Sovietiko i Reino Uni, e di kuater pais pa tin arma nuklear. Fransia tambe ta un di e 10 pais mas desaroyá na mundu.
-
Bandera di Fransia
-
Emblema di Fransia