Derechonan humano
Derechonan humano of derechonan di e ser humano ta encera derechonan cu tur hende por exigi, irespecto nan origen, nacionalidad, conviccion, genero, status legal of otro caracteristicanan. Algun ehempel ta e derecho di libertad di expresion, e derecho di bida, e derecho riba proteccion contra tortura y e derecho di autodeterminacion. Derechonan humano ta derechonan universal. Cada individuo ta posee esakinan pa e mero hecho cu e ta un ser humano.
Supkategoria di | rights, convention ![]() |
---|---|
Parti di | international law ![]() |
Foundational text | Universal Declaration of Human Rights ![]() |
Hashtag | StandUp4HumanRights ![]() |
Main regulatory text | European Convention on Human Rights ![]() |
Praktiká pa | human rights activist ![]() |
Personal library at | University of Minnesota Libraries ![]() |
WordLift URL | http://data.thenextweb.com/tnw/entity/human_rights ![]() |
![](http://upload.wikimedia.org/wikipedia/commons/thumb/5/54/Fray_Antonio_Montesino.jpg/220px-Fray_Antonio_Montesino.jpg)
Ta existi alrededor di cien diferente derecho humano, incorpora den tratadonan internacional.[1] Gran parti a wordo formula desde siglo 17, sinembargo ya tabata existi scrituranan cu e derechonan di ciudadano y otro gruponan den sociedad for di e tempo di antiguo Mesopotamia y Roma.[2]
Tipo di derecho humano
editáDerechonan humano ta subdividi den tres categoria[3], na cual ta referi como "generacion":
- prome generacion: derechonan civil y politico (derechonan BUPO), tambe yama derechonan fundamental clasico. Ehempelnan ta e derecho di libertad di expresion, libertad di religion y derecho di bida.
- di dos generacion: derechonan economico, social y cultural (abrevia ESC of ESOCUL). Nan ta pone enfasis riba husticia social. Ehempelnan ta e derecho riba cuminda, entrada, vivienda y enseñansa. E derechonan aki, huntu cu e derechonan civil y politico, a wordo fiha den e Declaracion Universal di Derechonan Humano na 1948.
- di tres generacion: derechonan colectivo. Esakinan a wordo fiha specificamente desde añanan 1970, y a haya sosten di paisnan den desaroyo durante e periodo di decolonisacion, momento cu hopi nacion den Africa y Asia a demanda e derecho di autodeterminacion, e derecho di maneho di propio materia prima y un particion husto di bienes pa nan propio nacion.[4]
Por sucede tambe cu derechonan humano di e prome dos categoria ta den conflicto cu otro. Por ehempel, ta existi un campo di tension entre publicacion di hurisprudencia y privacidad. E nengamento di empleo na maestronan homosexual a ser defende pa scolnan cristian for di e derecho fundamental di escogencia di scol segun propio creencia religioso, mientras esaki ta en pugna cu e derecho di proteccion contra discriminacion. E mesun dilema ta esun di un ambtenaar di censo cu, invocando su libertad di religion, no kier casa parehanan homosexual. Den e tipo di casonan aki e hues of e legislador mester duna claridad.[5]
Internacional
editáDenter di Nacionnan Uni (UN) a lanta un comision pa derechonan humano na 1946; esaki a wordo reemplasa na 2006 pa e Conseho di Derecho Humano (United Nations Human Rights Council, abrevia UNHRC) cu ta supervisa cumplimento cu e tratadonan di derechonan humano. Su organo ehecutivo ta e Alto Comisariado pa Derechonan Humano cu tin como tarea pa promociona y protege derechonan humano. Tur estado miembro di Nacionnan Uni a acepta e Declaracion Universal di Derechonan Humano. Mayoria di e tratadonan di derechonan humano a ser ratifica pa un (gran) mayoria di estado. Practicamente tur estado ta parti di e Convencion pa elimina tur forma di Discriminacion contra Hende Muhe y e Convencion pa e Derechonan di Mucha.
Organisacionnan no gubernamental (NGO) internacionalmente conoci riba tereno di derechonan humano ta entre otro Amnesty International, Human Rights Watch y Cruz Cora.
Fuente, nota i/òf referensia
|