Orden (biolohia)
![Deng miyayaliwang lebel o balitang ning sientipikung sistema ning pamitinduk-tinduk (scientific system of classification).](http://upload.wikimedia.org/wikipedia/commons/thumb/e/e8/Biological_classification_L_Pengo_-_pam.png/150px-Biological_classification_L_Pengo_-_pam.png)
![](http://upload.wikimedia.org/wikipedia/commons/6/6b/Magnify-clip.png)
King klasipikasiun king biolohia, ing orden (ibat king Castila; ibat king katayang Latin a ordo) metung yang ranggu king taxonomia a atiu king pilatan ning pinduan ampo ning familia. Ing superorder atiu king pilatan ning pinduan ampo ning orden. Magdependi la king Nomenclature Code deng detalle ning pormal a pormal a pamagpalagiu (formal nomenclature). Magwakas la king -iformes deng lagiu da reng order, bukud kareng mammals, invertebrates, ampong amphibians.
Amlat ning konseptu
[mag-edit | alilan ya ing pikuwanan]Antimong metung a partikular a ranggu ning klasipikasiun king biolohia, a maki sariling lagiu (at e mu antimong mas matas a genus ((genus summum), ing orden pepakilala ne ning botanistang Aleman a i August Bachmann king kayang klasipikasiun da reng tanaman. I Carl Linné ing mumunang ginamit kaniti king king pamipitna da reng atlung kaarian ning Kalikasan (mineral, tanaman ampong animal) ketang kayang Systema Naturae (1735, 1st. Ed.).
Kareng milimbag a maki kaugnayan king botania king Francia, manibat ketang Familles naturelles des plantes (1763) nang Michel Adanson' angga aniang wakas ning kalabing siam a siglu o dilanua *29th century), gagamitan de ing famille antimong katumbas ning ordo king Latin. Deretsu deng pepalino ing pamitumbas da reti ketang Lois de la nomenclature botanique (1868) a sinulat nang Alphonse De Candolle, ing inalilan ning kasalungsungan a magagamit a International Code of Botanical Nomenclature.
Ketang mumunang internasional a Rules of w:botanical nomenclature of 1906 (patakaran ning pamagpalagiu da reng tanaman), ing katayang familia mirinan yang ranggung tutulduan ning katayang Frances a "famille", kabang ing katayang orden (ordo) makareserba ya king mas matas a ranggung maralas dang ausang cohors aniang kalabingsiam a dilanua (19th century).
King zoolohia, mas e mamaliwa ing pamangamit kareng orden king sistema nang Linnaeus. Ing burinang sabian niti, deng orden ketang dake nang pang-zoolohia ning Systema Naturae makaparikil la kareng natural a grupu. Magagamit la pa murin deng lagiu da reng orden a ginamit na, alimbawa ing Lepidoptera para kareng kambubulag ampong mariposa o talubang, o Diptera para king orden da reng lango, yamuk, ampong niknik (gnats).
Lon la murin deti
[mag-edit | alilan ya ing pikuwanan]- w:Cladistics
- w:Phylogenetics
- w:Rank (botany)
- w:Rank (zoology)
- w:Biological classification
- Systematics
- Taxonomia
- w:Virus classification
![Deng miyayaliwang lebel o balitang ning sientipikung sistema ning pamitinduk-tinduk (scientific system of classification).](http://upload.wikimedia.org/wikipedia/commons/thumb/e/e8/Biological_classification_L_Pengo_-_pam.png/150px-Biological_classification_L_Pengo_-_pam.png)
![](http://upload.wikimedia.org/wikipedia/commons/6/6b/Magnify-clip.png)