Maria Mapagampun kareng Cristianos
I Maria Mapagampun kareng Cristianos (Latin: Sancta Maria Auxilium Christianorum), metung yang Catolicong debosyon kang Maria a maki pyestang pagmasusyan balang Mayo 24. I Juan Crisostomo ing mumunang ginamit king aus a iti anyang 345 bilang debosyon king Birhen Maria.
Mikalat ing debosyon king Europa kanitang papa ya i Papa Pio V ampo reng labanan king Ottoman Empire. Ganap yang mitátag uling king maragul nang paglalaweng Don Bosco kaniting titulu nang Maria ampo ing pamanalkus da reng obrang Salesian kareng miayaliwang bangsa manibat anyang kadwa nang dake ning kalabingsyam a dilanwa o siglu. Lipat ning maralas deng yugne iti king Iglesia Catolica, atin ya murin kaniti ing Orthodox Church manibat kanitang 1030 king Ukraine, anyang mirinan yang saup ing bangsa king pamamingwa king pamanyalake da reng barbaru (barbarian invasion).
Makaugne ya ing titulung Mary Help of Christians king pamamingwa ning Cristianung Europa (Latin ampong Griego), ing pangulu ning Africa ampo ing Kalibudtang Aslagan (Middle East) kareng lahing e Cristianu anyang Edad Media (Middle Ages). Anyang 1572, binalak neng sakupan ning Muslim a Ottoman Empire ing Cristianung Europa. Miglwal yang kapanyausan i Papa Pio V kareng ukbung Cristianu king mabilug a Europang pamingwa ya ing kontinenti, at inyad na kareng talasalpantaya magpasaup kareng ukbung Cristiano ibat king mabilug a Europang mamingwa king kontinenti , at inyad na karegn talasalpantayang (believers) mangadi kang Mariang ba yang sumaup kareng Cristianu (to help the Christians). Sasabyan dang ing saup nang Maria king lalam ning titulung iti ing sangkan ning pangasambut da reng Muslim a Turko.
Dalerayan
[mag-edit | alilan ya ing pikuwanan]Notes
- Sources