DNA
![](http://upload.wikimedia.org/wikipedia/commons/0/08/Dna-split.png)
Ing DNA acronym ne ning deoxyribonuleic acid, metung a nucleic acid. Metung yang sangkap a mayayakit king nucleus ning cell ing nucleic acid. Ing nucleus ing dake ning cell a makakawani kapamilata’ning metung a membrane. Mayayakit ing DNA kareng cell da reng eganaganang organismu. Kayabe la kareti deng animal, tanaman, at aliwa pang mabibie. Atiu king DNA ing planu na ning organismu nung nu ya mayayakit iti. Makabasi ya ing planung iti ketang planung ibat kareng pengari ning organismu. Ibat ya king semilia ning tata mu ing kapitna ning kekang DNA, at ibat ne man king ebun ning ima mu itang kapitna.
Katabas yang double helix o dobling balibul ing DNA; anti ya mong eran a makabalibul o makabalikudkud (twisted into a spiral). Metung yang gulis da reng nucleotide ing balang “bitis” ning “eran”. Ing balang nucleotide, metung yang molecule a gawa king metung a uring mayumu, metung a phosphate (a gawa king phosphorus ampong oxygen, ampong metung a base. Ing balang nucleotide, atin yang metung kareng apat a uring base:
- adenine (A)
- thymine (T)
- cytosine (C)
- guanine (G)
Gawa la kareng adwang base deng bitis. Mitutuglung la king libutad deng base. Karen lang A base makatuglung deng T base, at kareng C base la makatuglung deng G base. Malyari yang abalu ing planu para king tau, animal o tanaman kapamilata’ning pamamasa king pamituki-tuki da reng base king DNA.
I F. Miescher ing minunang mekatuklas king DNA kanitang 1869. E na balung Miescher nung nanu ya iti, o nung nanu ya itsura. Kanitang 1953, alinawan da ri James Watson at Francis Crick ing tabas o alkus ning DNA.
Lon la murin deti: gene, RNA, chromosome
Ing artíkulung ini metung yang súlî. Makasáup ka king Wikipedia kapamílatan ning pámandagdag kaniti.