Rikki
![Rikki](http://upload.wikimedia.org/wikipedia/commons/thumb/8/88/Sulfur_-_El_Desierto_mine%2C_San_Pablo_de_Napa%2C_Daniel_Campos_Province%2C_Potos%C3%AD%2C_Bolivia.jpg/220px-Sulfur_-_El_Desierto_mine%2C_San_Pablo_de_Napa%2C_Daniel_Campos_Province%2C_Potos%C3%AD%2C_Bolivia.jpg)
16 | Rikki
|
32,066 | |
3s23p4 |
Rikki[1] Mendelejevan sistiemallizen järjestyksen mugah on kuvvendentostu joukon kolmanden periodan alguaineh. Sen atomunoumer on 16. Se ei ozuta metalluominažuksii. Sidä merkitäh S (lat. Sulfur). Se luadiu äijy kislottoi da suoloi. Monet suolat, kudualois on rikki, vähän suletah vies.
Rikin luonnonminerualat
[kohenda | kohenda tekstu]Rikki on kuvvestostu alguaineh (muankuores hiimiellizen leviendän mugah). Net voijah olla puhtahas (välläs) da sivotus nävös.
Rikki on neftis, kivihiiles, luonnonguazulois da slantsois. Rikki on kuvves alguaineh luonnonvezilöis miärän mugah. Se miäriäy suolattoman vien ”alallistu” kovuuttu. Se on tärgei alguaineh ylimäzien organizmoin elaigah niškoi. Rikki on monis valgijazis. Se kerävyy tukkis.
Lövvön histourii
[kohenda | kohenda tekstu]Rikki puhtahas nävös da sežo rikkiyhtistehien nävös tietäh jo ammuzis aijois algajen. Ristikanzu tiedäy palajan rikin hajuu, rikkiguazun tukehtuttajua vaikutustu da serovodorodan ylen pahua haižuu histourieniellizes aijas algajen. Juuri nämmien ominažuksien täh valehjumalahuskojat käytettih rikkii uskondotavois. Rikkii piettih muanalazien jumalien libo hengien tevoksennu. Ylen ammui rikkii ruvettih käyttämäh erilazis poltosevoksis voinutarkoituksih niškoi.