William S. Burroughs
William S. Burroughs | |
file:Tonnis - William S. Burroughs 3.jpg William S. Burroughs en 1977 | |
Naissença | 5 de febrièr de 1914, Saint-Louis Missouri ![]() |
---|---|
Decès | 2 d'agost de 1997, Lawrence Kansas ![]() |
Ocupacion | escrivan |
William S. Burroughs, nascut lo a Saint-Louis al 4664 de Pershing Avenue[1] dins l'Estat del Missouri, mòrt dins sa proprietat de Lawrence (Kansas) de complications ligadas a una ataca cardiaca lo (a 83 ans), es un romancièr estatsunidenc.
Subretot conegut pels seus romans allucinats mesclant dròga, omosexualitat e anticipacion[2], es associat a la Beat Generation e a sas figuras emblematicas: los seus amics Jack Kerouac e Allen Ginsberg. Se remenbra d'el per son utilizacion literària del cut-up, tecnica experimentada dins una cambròta d'ostelariá carrièra Gît-le-Cœur a París amb Brion Gysin: lo cut-up consistís a realizar un tèxte a partir d'autres fragments textuals de tota origina (literatura, articles de premsa, catalògs de venda per correspondéncia...) copats de biais regular, e montats de nòu segon una logica predefinida, per far sorgir l'implicit, l'inavoat dels tèxtes de primièrs. Associat a la rotinas (recurréncias de fragments de tèxte) tot lo long d'una òbra, lo cut-up a tanben per objectiu de trencar la coeréncia logica impausada al discors per l'emplec del lengatge, considerat coma estructura estructuranta. L'impression de miègcaòs provocada pels cut-ups e de ja vist iniciada per las rotinas permeton de s'aprochar, sul plan formal, de la logica de percepcion d'un individú banhat dins un mitan que per de finicion mestreja pas los estimulis. L'ensems a per ambicion de far far a la literatura la mèsma revolucion qu'aquela de la pintura al passatge cap a l'abstrach.
« Alors que Kerouac tornèt viure amb sa maire dins los ans 1960 e esposèt la sòrra d’un amic d’enfança, e que Ginsberg reinava pendant los ans hippies, foguèron los ans 1980 e 1990 […] qu'anèron venir l’èra de William Burroughs, lo mai escur dels tres àngels de la Beat Generation. »[3]
Biografia
[modificar | Modificar lo còdi]William Seward Burroughs nais dins una familha borgesa. Es lo falen de William Seward Burroughs I, inventor de la primièra maquina comptabla e fondator de la « Burroughs Adding Machine Company ». Sa maire, Laura Lee Burroughs, es la filha d'un òme de Glèisa que la familha se reclamava de l'ascendéncia de Robert E. Lee. Burroughs estudièt la medecina a Viena, experiéncia que gardèt tota sa vida un gòst prononciat per la cirurgia e las modificacions del còs, la quimia del cervèl e las drògas. Intrèt a l'universitat de Harvard per una licéncia de literatura anglesa que foguèt diplomat en 1936. Son experiéncia a Harvard es resumida al començament de Junky: « Aborriguèri l'universitat e la vila ont viviai. Tot en ela èra mòrt. L'universitat èra un fals decòrs anglés entre las mans de diplomatas de fals collègis angleses. »
En 1944, Burroughs es detectiva e trabalha amb la pega a Nòva York, viu amb Joan Vollmer, una gojata brilhanta, passionada de literatura e de filosofia, dins un apartament partejat amb Jack Kerouac e sa primièra femna Edie Parker. Foguèt a aquel periòde, entre autre marcada per un afar de murtre ont sont implicats d'amics pròches - l'afar Kammerer-Carr, contada dins lo roman coecrit amb Kerouac E los ipopotams prenguèron lo bolh vius dins lors piscinas - que comencèt sa consomacion d'eroïna e de morfina, fins a sa cura a la metadona a partir de 1980. Esposèt Joan doas ans mai tard, en 1946, amb lo projècte de fondar una familha. Lor filh William S. Burroughs Jr. nais en 1947, al Texas. Lo 6 de septembre 1951, en viatge a Mexic, Burroughs, ebri, auriá per escasença tuat sa femna d'una bala en plan cap alara qu'ensejava de tornar jogar la performança de Guilhèm Tell, qu'ascla d'una flècha la poma pausada sul cap del sèu filh. Burroughs es inculpat per omicidi involontar. Foguèt arrestat e passa un cort sejorn en prison abans d'èsser relargat. Comença alara d'ans d'errància: percorriguèt l'America del Sud a la recerca d'una dròga allucinogèna del nom de yagé, puèi l'Africa del Nòrd, abans de s'installar a Tànger, al Marròc en 1954. Confessa dins Queer, roman escrich en 1953 mas que foguèt publiat sonqu'en 1985: "I am forced to the appalling conclusion that I would have never become a writer but for Joan’s death... [S]o the death of Joan brought me into contact with the invader, the Ugly Spirit, and maneuvered me into a lifelong struggle, in which I had no choice except to write my way out". (Queer, 1985, p.xxii)[4].
En 1956, comencèt una primièra cura de desintoxicacion amb l'ajuda de John Dent[5], un mètge londonian qu'inventèt la cura d'apomorfina[6]. A l'eissida del tractament, s'anèt demorar al legendari Beat hotel a París, ont accumulava de massas de fragments de paginas manuscrichas. Amb l'ajuda de Ginsberg e Kerouac, faguèt editar Lo Dinnar nud per Olympia Press. De lor costat, los fragments venon las tres letras d'una trilogia: La Maquina mòla, Lo Tiquet qu'explosa e Nova express. Après sa sortida, lo Dinnar nud procedit per obscenitat per l'Estat del Massachusetts puèi fòrça autres. En 1966, la Cort Suprèma de Massachusetts declara fin finala lo libre « non obscèn », çò que dubrís sus d'autras òbras coma aqueles d'Henry Miller (subretot Tropic del Càncer).
Burroughs s'anèt a Londres en 1960 ont publiquèt fòrça textòts dins de revistas underground, trabalhant dins lo mèsme temps sus un projècte que foguèt publicat en tres partidas: Los Garçons salvatges, Las ciutats de la nuèch escarlata e Cala Dels Sants. Torna Nòva York en 1974, ont venguèt professor d'escritura pendent un temps, abans de realizar que l'escritura podava pas s'ensenhar.
Dins los ans 1980, comença una cura de desintoxicacion, s'installa a Lawrence en 1981 amb lo darrièr companh de vida e amant James Grauerholz, amb qui èran un parelh de 1974 fins a sa mòrt. Dins los ans 1990, Burroughs ganha fòrça simbòls de la cultura pop. Apareis entre autre dins lo film Drugstore Cowboy de Gus Van Sant, e collabora amb Bob Wilson e Tom Waits per far naícer la pèça Black Rider[7]. Burroughs participa tanben a d'enregistraments dels tèxtes que sortisson jol labèl Industrial Records, que gerís de musica experimentala e bruchista dempuèi Londres:
- Throbbing Gristle (Nothing Here Now But The Recordings),
- Sonic Youth (Dead City Radio)
- Kurt Cobain (The Priest They Called Him),
- R.E.M., Ministry, Bill Laswell, Parrhesia Sound System, etc.
Biografia sus Burroughs
[modificar | Modificar lo còdi]- (es) Servando Rocha, Nada es verdad, todo está permitido. El día que Kurt Cobain conoció a William Burroughs, Alpha Decay, 2014.
Bibliografia essenciala
[modificar | Modificar lo còdi]- E los ipopotams prenguèron lo bolh vius dins lors piscinas, (And the Hippos Were Boiled in Their Tanks) amb Jack Kerouac (1945)
- Junkie (1953)
- Diferent, (Queer) (1951-3)
- Lo Dinnar nus, (Naked Lunch) (1959)
- The Nova Trilogy (1961-67):
- The Last Words of Dutch Schultz (1969)
- The Wild Boys: A Book Of The Dead (1971)
- Port of Saints (1973)
- The Red Night Trilogy (1981-87)
- My Education: A Book of Dreams (1995)
Notas e referéncias
[modificar | Modificar lo còdi]![](http://upload.wikimedia.org/wikipedia/commons/thumb/c/c4/D._Woodard_and_W._S._Burroughs_with_Dreamachine%2C_1997.jpg/220px-D._Woodard_and_W._S._Burroughs_with_Dreamachine%2C_1997.jpg)
- ↑ «...soi dins l'ostal del 4664 Pershing Avenue ont nasquèri», in Entre chats
- ↑ (fr)
- ↑ Queer Beats de Regina Marler
- ↑ Me cal arribar a la conclusion esglasianta que jamai seriái vengut escrivan sonque per causa de la mòrt de Joan... Alara la mòrt de Joan me metèt en contacte amb l'intrús, l'Epirit Òrre, e me manobrèt dins una lucha a vida, ont aguèri pas la causida levat d'escriure la meuna camida
- ↑ (fr)
- ↑ la sola cura eficaça en matèria de desintoxicacion segon Burroughs
- ↑ jogada pel primièr còp al Thalia Theatre d'Amborg lo 31 de març 1990
- ↑ Chandarlapaty, R., "Woodard and Renewed Intellectual Possibilities", dins Seeing the Beat Generation (Jefferson, NC: McFarland & Company, 2019), pp. 98–101.
Ligams extèrnes
[modificar | Modificar lo còdi]- (fr) Critica literària del Dinnar nud de William S.Burroughs
- (fr) Site sus William S. Burroughs, galariá, citacions, actualitat...
- (en) Interzone.org Malhum d'intelligéncia collectiva artistica e literària a l'entorn de William Burroughs e Brion Gysin
- (fr) Seriá d'articles e poèmas Cut-up
- (fr) William Burroughs et The Naked Lunch