Punt cardinal

En geografia, un punt cardinal (var. ponch cardinal, ponch cardinau, punt cardinau) es una de las quatre principalas direccions d'una bossòla sus un plan: nòrd, Èst, Sud e Oèst.

En Mediterranèa, las direccions son nomenadas d'un biais diferent, s'apuejant sus lo nom dels vents correspondents: Tramontana, Levant, Miegjorn e Ponent. Aquestas designacions son totjorn emplegadas dins la navegacion maritima actuala dins aquesta mar.

Ròsa dels vents

Ròsa dels vents

Los punts cardinals son presentats sus las mapas per una ròsa dels vents; lo nòrd es generalament senhalat, per exemple en alongant o en colorant la punta de la ròsa que l'indica. Gaireben totjorn, lo naut d'una mapa indica lo nòrd, lo bas lo sud, la drecha l'èst e l'esquèrra l'oèst.

Lo compés (cadastre) de Gijan de 1587 dona los ponches cardinals dau drech (nòrd), dau levant (èst), dau colgant (oèst), dau marin (miègjorn) e es estat ajostat en 1610 dau terrau (nòrd) e dau garbin (sud).

En mai dels quatre punts cardinals, es possible de dessenhar de punts intermediaris (o punts intercardinals) :

Abreviacion	Punt	Nom mediterranèu, autres noms	Azimut	Radians
N	nòrd	Tramontana Capvath, bisa, paguèra, avèrs, ubac, ensus, enaut	0°	0
NNE	nòrd-nòrd-èst	Tramontana grèga	22,5°	π/8
NE	nòrd-èst	Grèc	45°	π/4
ENE	èst-nòrd-èst	Levant gregau	67,5°	3π/8
E	èst	Levant L(h)evant, matin, capavant, davant, solèdre	90°	π/2
ESE	èst-sud-èst	Levant Eisseròc	112,5°	5π/8
SE	sud-èst	Eisseròc	135°	3π/4
SSE	sud-sud-èst	Miègjorn Eisseròc	157,5°	7π/8
S	sud	Miègjorn Adreit, adrech, solan(a), caphaut, capsús, soliera	180°	π
SSO	sud-sud-oèst	Miegjorn Labeg	202,5°	9π/8
SO	sud-oèst	Labec	225°	5π/4
OSO	o-st-sud-oèst	Ponent Labeg	247,5°	11π/8
O	oèst	Ponent Colcant, coijant, de cers, sococ, darrèr, caparrèr	270°	3π/2
ONO	oèst-nòrd-oèst	Ponent Mistrau	292,5°	13π/8
NO	nòrd-oèst	Mistrau	315°	7π/4
NNO	nòrd-nòrd-oèst	Tramontana Mistrau	337,5°	15π/8
N	nòrd	360°	2π