Poténcias de l'Axe
![](http://upload.wikimedia.org/wikipedia/commons/thumb/2/21/Map_of_participants_in_World_War_II.png/309px-Map_of_participants_in_World_War_II.png)
L'expression «Poténcias de l'Axe» (var. Poténcias de l'Èish, Poténcies der Èish, Poténcias de l'Ais) designa los Estats avent combatut contra los Aliats pendent la Segonda Guèrra Mondiala.
Lo tèrme es estat tornat popular per Benito Mussolini que, pendent un discors tengut a Milan lo 1r de novembre de 1936, a definit l'acòrdi estipulat lo 24 d'octobre precedent entre Alemanha e lo Reialme d'Itàlia coma un "axe", e per aquela rason apelat l'«Axe de Roma-Berlin». Lo pacte d'acièr ulterior, estipulat per las doas poténcias lo 22 de mai de 1939, representava lo primièr nuclèu de l'aliança militara, espandida mai tard a Japon amb lo pacte tripartit del 27 de setembre de 1940 (egalament conegut amb lo nom d'«Axe Roma-Berlin-Tòquio»).
Puèi, d'autres Estats an egalament rejonch la coalicion en rejonhent lo Pacte tripartit. L'Axe, format abans tot per las nacions insatisfachas de l'òrdre geopolitic creat a l'endeman de la Primièra Guèrra Mondiala, èra cimentat per las afinitats ideologicas dels regims autoritaris que los governavan, e aviá per mira de constituïr un «Òrdre novèl» que veiriá la supremaciá d'Alemanha en Euròpa continentala, d'Itàlia en Mediterranèa e de Japon en Extrèm-Orient. Politicament, aviá per mira de contrar lo capitalisme de las democracias occidentalas (Reialme-Unit, França e Estats Units) e lo bolchevisme de l'Union Sovietica.
Nòtas e referéncias
[modificar | Modificar lo còdi]