Plasmoquina
Aparença
![](http://upload.wikimedia.org/wikipedia/commons/thumb/9/9e/Pamaquine.svg/220px-Pamaquine.svg.png)
La plasmoquina es un medicament antipaludic descubèrt en 1926 per una còla de la companhiá alemanda Bayer. Es un derivat dau blau de metilèn que sei proprietats antipaludicas èran conegudas dempuei 1891. Aquela descubèrta encoratjèt lei recèrcas sus lei moleculas de la familha deis amino-8-quinolèinas entraïnant la concepcion de plusors antipaludics novèus durant leis ans 1930.
La plasmoquina es fòrça eficaça còntra Plasmodium vivax e Plasmodium ovale e pòu atacar lo parasit durant totei leis etapas de son cicle uman. Pasmens, seis efiechs toxics son pus importants que d'autrei moleculas similaras. Ansin, es uei un tractament rar qu'es utilizat dins de cas d'ineficacitat deis antipaludics estandards.