Nogat
![](http://upload.wikimedia.org/wikipedia/commons/thumb/d/d5/Nougat.jpg/250px-Nougat.jpg)
Lo nogat es un pastat doç (catimèl o dur), fabricat a partir de la coccion de mèl amb de sucre e de blanc d'uòu flisquetat que se l'aponde segon lei variantas de noga, d'amètlas , de vanilha, d'aiganafa, de fruchs confits, de mochifarra de limon, de chocolat, etc. En Provença, lo nogat es un dei tretze dessèrts de la taula de Nadal.
Es una especialitat que se retròba dins mantei païs de l'airau mediterranèu. Dins lei tèrras de lenga catalana son equivalent es lo torron, e es l'especialitat d'Agramunt (Catalonha) e subretot de Xixona (País Valencian). Leis parents italians se dison mandorlato e torrone (sud d'Itàlia probablament per influéncia catalana).
Lo nogat en Occitània
[modificar | Modificar lo còdi]Actualament la capitala incontestabla d'aquesta especialitat occitana es la vila provençala de Montelaimar. Sembla que siá en Provença que siá nascuda la forma modèrna d'aquesta lecariá a l'entorn del sègle XVI.
A la debuta de sègle XVII, Olivier de Serres de la vila de Montelaimar decidiguèt de cambiar la noga per d'amètlas dins lo nogat.