Nikola Tesla
Nikola Tesla
| |
---|---|
![]() | |
Naissença | 10 de julhet de 1856 Smiljan, Empèri Austriac |
Decès | 7 de genièr de 1943 Nòva York |
País d'origina | |
Nacionalitat | |
Profession | |
Ocupacion | |
Luòc de trabalh | |
Distincions |
Nikola Tesla (sèrbe: Никола Тесла; 10 de julhet de 1856 – 7 de genièr de 1943) foguèt un scientific estatunidenc[1][2][3] inventaire, engenhaire en electricitat e mecanica, fisician, conegut per sa contribucion dins la mesa al punt de rets de distribucion de corrent electric alternatiu.[4]
![](http://upload.wikimedia.org/wikipedia/commons/thumb/e/e3/HR-50c.png/200px-HR-50c.png)
Nasquèt dins una familha de religion ortodòxa dins çò qu'es uèi Croàcia, çò que lo fa considerar a l'encòp coma sèrb e croat. Son retrach es sul latz nacional croat de las pèças de 10, 20 e 50 centims d'èuro.
Trabalhèt d'en primièr dins la telefonia e l'engenhariá electrica abans d'emigrar alas Esats Units en 1884 per trabalhar amb Thomas Edison, abans de collaborar amb George Westinghouse qu'enregistrèt un grand nombre de sos brevets. Considerat coma un dels pus grands scientifics dins l’istòria de la tecnologia, per aver depausat qualque 300 brevets cobrissent en total 125 invencions[5] e aver descrit de metòdes novèls per realizar la « conversion de l’energia », Tesla es reconegut coma un dels engenhaires mai creatius de la fin del sègle xix e del començament del sègle xx.
Sos trabalhs mai coneguts e mai largament difusats portan sus l’energia electrica. Metèt al punt los primièrs alternators que permetèron la naissença de las rets electricas de distribucion en corrent alternatiu, que ne foguèt un pionièr. Tesla s’interessèt fòrça a las tecnologias modèrnas, en partucular a l'electricitat. Es conegut per aver sauput metre en practica la descobèrta del caractèr ondulatòri de l’électromagnetisme (teorizat per James Clerk Maxwell en 1864), en utilizant las frequéncias pròprias dels compausants dels circuits electrics per fin de maximizar son rendement.
Referéncias
[modificar | Modificar lo còdi]- ↑ [1]. ISBN 978-0-7565-4086-9.
- ↑ «No, Nikola Tesla's Remains Aren't Sparking Devil Worship In Belgrade».
- ↑ «Nikola Tesla».
- ↑ Comprehensive Dictionary of Electrical Engineering 1999. ISBN 9783540648352.
- ↑ Nicolas Tesla Patents, voir conclusion
Ligams extèrnes
[modificar | Modificar lo còdi]- NikolaTesla.fr - More than 1,000 documents on Tesla