José Saramago
José Saramago | |
![]() | |
Nom de naissença | (pt) José de Sousa Saramago ![]() |
---|---|
Naissença | 16 de novembre de 1922, Azinhaga, Ribatejo, Portugal |
Decès | 18 de junh de 2010, Lanzarote, Espanha |
Ocupacion | escrivan |
![](http://upload.wikimedia.org/wikipedia/commons/thumb/8/82/Saramago%2C_Jos%C3%A9_%281922%29-2.jpg/220px-Saramago%2C_Jos%C3%A9_%281922%29-2.jpg)
José de Sousa Saramago (n. en 1922, mòrt en 2010) es un escrivan portugués. A recebut lo Prèmi Nobel de Literatura en 1998.
Biografia
[modificar | Modificar lo còdi]Saramago nasquèt al poble d'Azinhaga, situada a la municipalitat de Golegã, districte de Santarém. Malgrat lo registre oficial situa la siá naissença lo jorn 18, aquel fach se deu a una error en l'anotacion del foncionari, que l'inscriguèt a l'encòp amb lo nom de José Saramago e pas José de Sousa, nom de familha del sieu paire.
En 1924 la siá familha fixèt residéncia a Lisbona, ont lo sieu paire comencèt a trabalhar en la polícia. Als dotze ans inicièt los sieus estudis a l'Escòla Industriala de Lisbona, estudis que poguèt pas finalizar al pas poder seguir en pagant la matricula. Aquel fach provoquèt que lo jove Saramago dintrèsse trabalhar en una ferraria mecanica, sens desbrembar mas la siá nòva passion: la lectura. Cambièt de trabalh e dintrèt far partida de l'administracion de la seguretat sociala.
Dintrèt posteriorament trabalhar en una companhiá d'asseguranças e simultaneament collabora coma jornalista al Diário de Notícias, un periodic nacional, mas que per rasons politicas plan lèu ne foguèt expulsat. Critic literari de la revista Seara Nòva, faguèt partida de la primièra direccion de l'Associacion Portuguesa d'Escrivans.
Membre del Partit Comunista Portugués aprèp 1969, patiguèt la persecucion e censura pendent los ans de la dictatura d'António de Oliveira Salazar. Se jonhèt posteriorament a la Revolucion dels ulhets que portèt la democracia a Portugal l'an 1974. Dempuèi 1976 se consacrèt exclusivament al sieu trabalh literari, acabèt en partejant la siá residéncia entre Lisbona e l'illa de Lanzarote (Illas Canàrias), ont moriguèt lo 18 de junh de 2010 a 87 ans.[1]
Referéncias
[modificar | Modificar lo còdi]- ↑ Mor l'escriptor portuguès i premi Nobel José Saramago Avui, 18 de junh de 2010