Diocèsi de Carcassona e Narbona
![](http://upload.wikimedia.org/wikipedia/commons/thumb/4/4e/Carcassonne_-_Vue_du_clocher_Saint-Vincent_16.jpg/220px-Carcassonne_-_Vue_du_clocher_Saint-Vincent_16.jpg)
La diocèsi de Carcassona e Narbona (en latin: dioecesis Carcassonensis et Narbonensis) es lo nom de la diocèsi de Carcassona dempuèi 2006. Es una diocèsi de la Glèisa Catolica. Sa catedrala es Sant Miquèl de Carcassona e la catedrala Sant Just e Sant Pastor de Narbona a reng de cocatedrala. L'avesque es Bruno Valentin.[1]
Istòria
[modificar | Modificar lo còdi]Pr'amor del Concordat de 1801, per la bulla Qui Christi Domini del 29 de novembre de 1801, le papa Piu VII conservèt la diocèsi de Carcassona pels departaments d'Aude e dels Pirenèus Orientals, atal coma le canton de Quergut del departament d'Arièja.
Per la bulla Paternae caritatis del 6 d'octobre de 1822, Piu VII restabliguèt la diocèsi de Perpinhan pel departament dels Pirenèus Orientals.
Le 14 de junh de 2006, le títol de l'archidiocèsi suprimida de Narbona foguèt transferit a la diocèsi de Carcassona que prenguèt son nom actual de diocèsi de Carcassona e Narbona. La catedrala Sant Just e Sant Pastor de Narbona venguèt cocatedrala.
Per un decret del 8 de decembre de 2002, per tal d'associar las províncias eclesiasticas ambe las realitats regionalas, la Congregacion pels avesques elevèt la diocèsi de Montpelhièr al reng d'archidiocèsi metropolitana; atal, la diocèsi de Carcassona e Narbona es una de sas sufragantas.
![](http://upload.wikimedia.org/wikipedia/commons/thumb/6/65/Carcassonne_-_Cath%C3%A9drale_St-Michel.jpg/220px-Carcassonne_-_Cath%C3%A9drale_St-Michel.jpg)
Ancianas catedralas e basilicas
[modificar | Modificar lo còdi]La catedrala Sant Just e Sant Pastor de Narbona a reng de cocatedrala. Sant Just e Sant Pastor, atal coma Sant Miquèl, son los patrons de la diocèsi.
Autras tres glèisas foguèron catedralas dins lo passat :
- la basilica Sant Nazari e Sant Cèls de Carcassona èra l'anciana catedrala de la diocèsi;
- l'abadiá de Sant Pàpol, venguda catedrala, èra la catedrala de l'anciana diocèsi de Sant Pàpol;
- l'abadiala d'Alet, venguda catedrala, èra la catedrala de l'anciana diocèsi d'Alet.
I a autras doás basilicas dins la diocèsi :
- la basilica Nòstra Dòna de Marcèlha, a Limós;
- la basilica Sant Pau Sèrgi de Narbona.
Galariá
[modificar | Modificar lo còdi]-
La catedrala Sant Just e Sant Pastor de Narbona.
-
Lla basilica Sant Nazari e Sant Cèls de Carcassona.
-
La clastra de l'abadiá de Sant Pàpol.
-
Las roïnas de l'abadiá e de l'abadiala-catedrala d'Alet.
-
La basilica Nòstra Dòna de Marcèlha.
-
La basilica Sant Pau Sèrgi de Narbona.
Articles connèxes
[modificar | Modificar lo còdi]- Diocèsi de Carcassona
- Archidiocèsi de Narbona
- Diocèsi de Sant Pàpol
- Diocèsi d'Alet
- Diocèsi de Mirapeis
Ligams extèrnes
[modificar | Modificar lo còdi]- «Site oficial de la diocèsi de Carcassona e Narbona» (en francés).
- «Diocese of Carcassonne et Narbonne"» (en francés). catholic-hierarchy.org.
- (en anglés). gcatholic.org.
Nòtas e referéncias
[modificar | Modificar lo còdi]- ↑ Carrié, Antoine. «L’heure des "adieux" et du "passage de relais" pour Mgr Planet» (en francés). www.ladepeche.fr.