Ciutat de Mexic
|
Ciutat de Mexic
| |||||
|---|---|---|---|---|---|
 | |||||
| |||||
| |||||
| Geografia fisica | |||||
| Coordenadas | 19° 25′ 10″ N, 99° 08′ 44″ O | ||||
| Superfícia | 1 495 km² | ||||
| Altituds · Maximala · Mejana |
3 930 m 2 240 m | ||||
| Geografia politica | |||||
| País |  Mexic
| ||||
| Geografia umana | |||||
| Populacion (?) |
9 209 944 ab. | ||||
| Autras informacions | |||||
| https://www.cdmx.gob.mx/ | |||||
Ciutat de Mexic (en espanhòl Ciudad de México) o mai brèu CDMX (en espanhòl [se de 'eme 'ekis]) es la capitala de Mexic. Es una entitat federala qu'aperten pas a cap dels 31 estats mexicans. Sa populacion, en 2009, èra de 8 851 080 abitants, (21 200 000 abitants dins l'airal metropolitan). Sa superfícia totala es de 1485 km² (4979 km² amb l'airal metropolitan).
Es una de las pus grandas vilas del mond e un grand centre de comèrci e de servicis. De grandas entrepresas i an lors sètis socials. Coma vila globala "alfa"[1] Ciutat de Mexic es un dels pus important centre financièr en America del Nòrd.[2] La ciutat es situada dins la Val de Mexic (Valle de México), una val larga sus l'altiplan al centre de Mexic, a un altitud de 2240m. La vila se compausa de sètze delegacions (delegaciones, en espanhòl), o subdistrictes.
L'Aira metropolitana de la ciutat de Mexic aviá un produch interior brut de 411 miliard de dollar US en 2011, çò que ne fasiá una de las pus ricas del mond.[3] La vila èra responsable de 21% del PIB de Mexic e l'aira metropolitana de 34% del PIB nacional total.[4] Comparat a l'economia d'estats independents, en 2013, la Ciutat de Mexic auriá agut la cinquena plaça en America latina—cinc còps pus importanta que la de Còsta Rica e aperaquí la meteissa importància que la de Peró.[5]
La vila foguèt bastida a l'origina subre una isla del Lac Texcoco pels astècas en 1325 jol nom de Tenochtitlan, que foguèt completament destruida en 1521 del temps del sètge de Tenochtitlan, e tornar bastida puèi segon los estandarts urbans espanhòls. En 1524, la municipalitat de la Ciutat de Mexic foguèt fondada, amb lo nom de México Tenochtitlán,[6] e en 1585 foguèt oficialament sonada Ciudad de México (Ciutat de Mexic).[6] La Ciutat de Mexic serviguèt de centre politic, administratiu e financièr per la màger part de l'Empèri colonial espanhòl.[7] Après l'acabament de la Guèrra d'independéncia, lo Districte Federal foguèt creat en 1824. En 2016 cambièt son nom oficialament a Ciudad de México.[8]
Divisions administrativas
[modificar | Modificar lo còdi]Lo territòri es devesit en 16 alcaldías (una alcaldía correspond a un arrondiment). Aquelas alcaldías son elas meteissas devesidas en quartièrs: al total, 400 exactament.
- Álvaro Obregón
- Azcapotzalco
- Benito Juárez
- Coyoacán
- Cuajimalpa de Morelos
- Cuauhtémoc
- Gustavo A. Madero
- Iztacalco
- Iztapalapa
- Magdalena Contreras
- Miguel Hidalgo
- Milpa Alta
- Tláhuac
- Tlalpan
- Venustiano Carranza
- Xochimilco
- ↑ «The 2008 Global Cities Index».
- ↑ «WFE – Member Exchanges».
- ↑ https://web.archive.org/web/20130106102340/http://www.brookings.edu/research/interactives/global-metro-monitor-3
- ↑ «Mexico City GDP as compared with national GDP».
- ↑ .
- ↑ 6,0 et 6,1 Modèl:Es icon «History of Mexico City».
- ↑ Modèl:Es icon .
- ↑ Expansión, «Se acabó el Distrito Federal: ¡Bienvenida, Ciudad de México!» (Consultat lo 16 octobre 2020)
Referéncias
[modificar | Modificar lo còdi]