Cap Hòrn
![](http://upload.wikimedia.org/wikipedia/commons/thumb/7/7a/CapeHorn.jpg/300px-CapeHorn.jpg)
![](http://upload.wikimedia.org/wikipedia/commons/thumb/c/c2/CapeHorn_ASTER_2005sep20.jpg/300px-CapeHorn_ASTER_2005sep20.jpg)
![](http://upload.wikimedia.org/wikipedia/commons/thumb/e/e3/CapeHornDetailMap.png/300px-CapeHornDetailMap.png)
L'illa del Cap Hòrn (neerlandés: Kaap Hoorn; espanhòl: Cabo de Hornos.) que foguèt nomenada aital en referéncia a la vila de Hoorn (Païses Basses) es la tèrra pus al sud de l'archipèla de la Tèrra del Fuòc al sud de Chile.
Lo Cap Hòrn es abitualament considerat per èsser lo punt mai al sud de l'America del Sud, e marca la termièra nòrd del pas de Drake; Pendent fòrça annadas servissiá de bòrna sus la rota dels clippers, que las naus de comèrci i carrejavan de mercandisas a l'entorn del monde. Pasmens, las aigas a l'entorn del cap son particularament azardosas, expausadas a de vents violents, d'èrsas grandas, de corrents fòrts e la preséncia d'icebergs; aquestes perilhs ne'n faguèron la notorietat.
Dempuèi la dobertura en 1914 del Canal de Panamà lo passatge del cap Hòrn es pas pus obligatòri per las naus. Pasmens navegar al Cap Hòrn es sempre vist coma una escomesa màger pels navegators esportius. Mai d'una corsa de vela importantas, en particular la Velux5oceans e la Vendée Globe, navegan a l'entorn del monde en passant pel Hòrn, e de recòrds de velocitat seguèron aquesta rota.