Amalfi
Amalfi
| |
---|---|
![]() | |
Geografia fisica | |
Coordenadas | 40° 38′ 00″ N, 14° 36′ 00″ E |
Superfícia | 600 km² |
Altituds · Mejana |
6 m |
Geografia politica | |
País | ![]() |
Region | Campània |
Província | Salèrne |
Geografia umana | |
Populacion (?) |
4 729 ab. |
Autras informacions | |
Còde postal | 84011 |
http://www.comune.amalfi.sa.it |
Amalfi es una comuna de la província de Salèrne dins la region de Campània en Itàlia. La Còsta amalfitana foguèt inscricha en 1997 sus la lista del Patrimòni Mondial de l'Umanitat.
Geografia
[modificar | Modificar lo còdi]Amalfi se situa dins lo golf de Salerne dins la mar Tireniana. La còsta amalfitana es subretot constituida de bauces. La vila, ela meteissa, es implantada sus las parets e al fond d'una gòrja dubrissant sul pòrt e dominada pel mont Cerreto (1 315 m).
Istòria
[modificar | Modificar lo còdi]Amalfi foguèt un dels principals pòrts d'Euròpa del sègle IX al sègle XII.
Las primièras mencions d'Amalfi remontan al sègle VI. La vila venguèt lèu una poténcia maritima fasent lo comèrci de las cereales, de sal e d'esclaus, exportant de fusta cap a Egipte e Siria e important en occident las sedas de l'Empèri Bizantin. Los marins d'Amalfi, los primièrs d'Occident a utilizar la bossòla, faguèron la fortuna de la vila. Al sègle IX, los marcands amalfitans utilizavan ja una moneda d'aur alara que la mai granda partida d'Itàlia encara practicava una economia d'escambis.
Las relacions d'Amalfi amb l'Orient son encara illustradas a l'ora d'ara per la catedrala que las pòrtas foguèron fondudas a Constantinòple en 1066 e menadas fins aquí per la mar. Tanben a la mitan del sègle XI (vèrs 1070[1]), de marcands Amalfitans establits a Jerusalèm foguèron a l'origina de la fondacion de l'Òrdre de Sant Joan de Jerusalèm.
La Republica maritima independenta d'Amalfi atenguèt una populacion de prèp de 70 000 personas quand en 1131, foguèt conquerida pel rei Rogièr II de Sicília. La vila passèt en 1137 jos la dominacion de Pisa e comencèt a declinar rapidament. Pasmens, las Taulas amalfitanas, que foguèron lo primièr còde maritim, serviguèron a reglar la navigacion dins tota Mediterranèa fins a 1570.
Pertot, demòran de testimònis de l'edat d'aur d'Amalfi entre los sègles X e XII, quand aquela Republica maritima comerçava amb l'Orient, coma un campanil moresc, un plan urban calcat sul modèl arabia e un Dòma d'inspiracion bizantina. Totes los quatre ans, una corsa sus la mar es organizada per remembrar que los dògas de la ciutat rivalizèron amb aqueles de Venècia, Gènoa e Pisa pel contraròtle de la Méditerranèa[2].
Torisme
[modificar | Modificar lo còdi]Amalfi es una vila fòrça toristica. La beutat del site natural, lo dedal de carrieròlas miègjornalas e la mescla particulara d'influéncias culturalas vengudas de tota Mediterranèa ne faguèron une vila classificada al Patrimòni Mondial de l'Umanitat de l'UNESCO dempuèi 1997.
Economia
[modificar | Modificar lo còdi]Amalfi es coneguda per sa produccion de citrons de qualitat e son papièr fach man.
Masatges
[modificar | Modificar lo còdi]Lone, Pastena, Vettica, Pogerola, Tovere.
Annèxes
[modificar | Modificar lo còdi]Articles connèxes
[modificar | Modificar lo còdi]Nòtas e referéncias
[modificar | Modificar lo còdi]- ↑ (fr)Michel Henry, Les ordres militaires en Lorraine. Éditions Serpenoise, 2006. page 8. ISBN 2-87692-706-3Error d'escript : lo modul « check isxn » existís pas.
- ↑ GEO N°398 d'avril 2012 p.79