Òrri
Aparença
![](http://upload.wikimedia.org/wikipedia/commons/thumb/0/02/Orri_des_Estrets%2C_vall%C3%A9e_de_Vicdessos%2C_Ari%C3%A8ge.jpg/220px-Orri_des_Estrets%2C_vall%C3%A9e_de_Vicdessos%2C_Ari%C3%A8ge.jpg)
Un òrri es un luòc generalament situat en montanha que los pastres i menavan las fedas pendent las estivas per las mólzer e far los formatges. A l'origina lo tèrme òrri designava sonque l'airal d'estiva mas es uèi utilizat tanben per parlar de las jaças o barracas que s'i tròban.
Aquestes òrris èran utilizats dins las regions pastoralas, mai que mai dins los Pirenèus, entre mai e octobre, alara qu'una partida de las familhas demoravan dins las valadas per los trabalhs dels camps, un o dos sòcis montavan amb lo tropèl a l'estiva, per amontanhar a l'òrri. Aquò se sonava "far òrri".
Sus l'airal de l'òrri se podián trapar mantuna bastissas :
- la cabana del pastre;
- lo masuc qu'èra un ostalon de montanha ont se fasiá e se servava lo formatge;
- lo parrec qu'èra un enclaus fach de pèiras secas que servissiá per dintrar las bestias la nuèit o per las mólzer.
- la marga èra un corredor de pèiras secas que comunicava amb lo parrec, per tal de far passar las fedas per las mólzer.