Sesotho sa Leboa

Sesotho sa Leboa ke sehlopha sa maleme a Sesotho-Tswana seo se bolelwago diprofenseng tša ka leboa-bohlabela bja Aforika Borwa, kudukudu ka Mpumalanga, Gauteng, le diprofenseng tša Limpopo. E tsebja gape ka Sepedi gomme e swere maemo a polelo ya semmušo ka Aforika Borwa .

Polelosemmušo ya naga ya gabo Lebowa nakong ya kgethologanyo, ke polelo ya mathomo ya batho ba go feta dimilione tše 4.6 (9.1%) go ya ka Palo ya Batho ya Setšhaba ya Aforika Borwa ya 2011, e dira gore e be leleme la bohlano leo le bolelwago kudu mo Aforika Borwa.