Jacques Chirac
Ch't' articl'ye fut c'menchie en Jèrriais
|
![](http://upload.wikimedia.org/wikipedia/commons/thumb/2/24/Chirac_ABr62200_cropped.jpeg/220px-Chirac_ABr62200_cropped.jpeg)
Jacques Chirac (29 d'Novembre 1932, Paris, France - 26 d'Septembre 2019) est un politicien Français. Il a 'té Président d'la Républyique Française d'pis l'17 d'Mai 1995 jûqu'oû 16 dé mouai 2007. I' 'tait Preunmié Minnistre dé 1974 à 1976 pouor lé président Valéry Giscard d'Estaing et d'1986 à 1988 pouor Françoués Mitterraund. Il est achteu membre à vie du Counsêle counstitutiounel.
I s'mathyit auve Bèrnadette Chodron de Courcel lé 16 dé Mar 1956. Lé coupl'ye a ieu deux fil'yes, Laurence (née en 1958) et Claude (née en 1962).
Auprès san mathiage, Jacques Chirac s'en fut faithe san sèrvice militaithe et fut posté en Algérie où'est qu'i' sèrvait duthant la Dgèrre d'Algérie.
En 1967 i' fut nommé Assistant Minnistre d'l'Empliai dans l'gouvèrnément d'Jores Poumpidou, épis il otchupit tchiques postes dans les gouvèrnément tchi siévîtent. En 1974, i' d'vînt Minnistre d'l'Întérieur, mais auprès l'êlection présidentielle tchi siévit la mort du Président Pompidou, i' fut nommé Preunmié Minnistre par l'nouvieau Président Valéry Giscard d'Estaing. I' résîngnit en 1976, formit un nouvieau parti Gaulliste, lé Rassemblement pour la République et fut êlu maire d'Paris en 1977, un poste qu'i' gardait jusqu'à s'n êlection coumme Président.
I' s'mînt sus les rangs pouor Président en 1981 mais pèrdit en traîsième pliaiche. I' fondit ses câtchieaux politiques à Paris en y pratitchant sa politique dé drouaite, et quand ès êlections parlémentaithes dé 1986 san parti prînt la mâjorité, i' fut appouainté Preunmié Minnistre par l'Président Françouais Mitterrand, un Socialiste.
Ès êlections Présidentielles dé 1988, i' fut battu par Mitterrand, mais gângnit l'êlection d'1995.
En 1997 l'Président Chirac lanchit d's êlections parlémentaithes mais les rêsultats l'forchîtent d'accepter un Preunmié Minnistre dé gauche.
I' gângnit l'êlection Présidentielle en 2002.