P'tun

Ch't' articl'ye fut c'menchie en Jèrriais

Lé p'tun (Guernésiais : touba, Cotentinais : petun) est eune pliante (en Latîn: Nicotiana) et la drogue faite d'ses fielles. La nicotinne chimique qu'la pliante contchient est pouor addictionner les p'tunneurs. Avaû l's années nou-s'a p'tunné atout des pipes, des cigares, des cigarettes, du tchias et du sno.

Eune cliôsée dé p'tun

Tchultivâtion

Lé p'tun est tchultivé dans bein des pays, même dans des cheins dé tchi l'gouvèrnément dêcouothage la p'tunn'nie. L'pus grand tchultivateu dé p'tun est la Républyique du Peupl'ye d'la Chinne, sieu par l'Brési, l'Înde, les Êtats Unnis d'Améthique, l'Îndonésie, la Turtchie, la Grêce, l'Argentinne, l'Italie et l'Pakistan.

Originne du mot

L'mot p'tun vînt d's Îndgiens Tupi du Brési, et fut apporté en Ûrope au seizième siècl'ye par les navidgants et marchands Portûndgais. Les Français empruntîtent lé mot mais ch'est l'mot tabac qu'nou fait sèrvi en Français. En Bréton l'mot butun a la même originne qué not' mot.