Wolf-Rayet-stjerne
![](http://upload.wikimedia.org/wikipedia/commons/thumb/b/be/Wolf_rayet2.jpg/220px-Wolf_rayet2.jpg)
![](http://upload.wikimedia.org/wikipedia/commons/thumb/4/49/Crescenthunter.jpg/220px-Crescenthunter.jpg)
Wolf-Rayet-stjerner (forkorta WR) er varme stjerner som gjennomgår store tap av masse gjennom stjernevind. Spektruma til Wolf-Rayet-stjerner framviser breie emisjonslinjer, noko som gjer dei lette å identifisera, sjølv på større avstandar. Wolf-Rayet-stjerner kan ha massar på 10-50 solmassar, overflatetemperaturar mellom 25000 og 50000 K og luminositetar mellom 100.000 og éin million gonger luminositeten til sola.
Wolf-Rayet-stjerner blei først identifiserte av dei franske astronomane Charles Wolf og George Rayet i 1867. Dei blir delte inn i tre breie spektroskopiske klassar; WN, WC og WO:
- WN-stjerner framviser emisjonslinjer hovudsakleg frå helium og nitrogen, men spektrum har òg vist emisjonslinjer frå karbon, silisium og hydrogen.
- WC-stjerner har spektrum dominerte av emisjonslinher frå karbon og helium og manglar linjer frå hydrogen og nitrogen.
- WO-stjerner er meir sjeldne og liknar på WC-stjernene med oksygenlinjer og emisjonslinjer frå andre grunnstoff som viser eit høgt nivå av ionisering.
Grunna den kraftige stjernevinden som Wolf-Rayet-stjerner har, har dei ytre hydrogenrike laga blitt blåste av, og ytst ligg i staden regionar der produkt av kjernereaksjonar er til stades. Wolf-Rayet-stjerner kan stamma frå O-stjerner.
Bakgrunnsstoff
[endre | endre wikiteksten]Kjelder
[endre | endre wikiteksten]- Denne artikkelen baserer seg på artikkelen «Wolf-Rayet star» s. 439 i Philip's Astronomy Encyclopedia utgjeven i 2002.