Rostrum
Utsjånad
![](http://upload.wikimedia.org/wikipedia/commons/thumb/f/fd/Egadi_rostrum_of_ancient_ship.jpg/220px-Egadi_rostrum_of_ancient_ship.jpg)
Rostrum er latin for 'nebb, spiss' eller 'skipssnabel', og viste i antikken til bronsebelagte spissar i forstamnen på krigsskip. Desse kunne brukast som rambukkar, til å laga hol i fiendtlege skip.
Ved sjøslag var det vanleg å ta rostrumen til den overvunne fienden som krigsbytte. Etter slaget ved Antium i 338 f.Kr., der romarane sigra over volskarane, sette dei stamnane frå fiendeskipa opp rundt talarstolen i Forum Romanum. Denne blei seinare kjend som rostra, fleirtalsforma av rostrum. I moderne engelsk er «rostrum» framleis eit ord for talarstol.
-
Modell av romersk trirem med rostrum.
-
Restane av rostraen på Forum Romanum i Roma.
Kjelder
[endre | endre wikiteksten]- Farstad, Olav (1929). Latinsk-norsk ordbok. Brun. s. 297.
- Fuchs, J.W. (1968). Illustrert klassisk realleksikon. Aschehoug. s. 227.
- Steen, Tone. «rostra» (14. februar 2009), Store norske leksikon.