Raudara
| Raudara | |
_Copan.jpg) Raudara | |
| Utbreiing og status | |
Status i verda:  Livskraftig Utbreiinga av Raudara | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Papegøyefuglar Psittaciformes |
| Familie: | Papegøyefamilien Psittacidae |
| Slekt: | Fugleslekta Ara Ara |
| Art: | Raudara A. macao |
| Vitskapleg namn | |
| Ara macao | |
Raudara (Ara macao) er ein stor, langhala og fargerik neotropisk papegøye som har naturleg utbreiingsområde i Mellom-Amerika og store delar av nordlege Sør-Amerika aust for Andesfjella. Han er nasjonalfuglen i Honduras. Til liks med slektningen blågulara, er raudaraer populære burfuglar.
Skildring
[endre | endre wikiteksten]
Raudaraer er 84-89 centimeter i kroppslengd og kan vege i området 900 til 1490 gram.[1] Halen gjer ut for meir enn halve kroppslengda på vaksne fuglar. Fjørdrakta er dominert av raud kropp og blå overside av venger, men med slåande gule vengeflekker, og blå overgump. Han er den einaste raude ara som har store gule område på vengene. Undersida av vengene er dominert av gult. Eit stort område i andelet rundt auget og til nebbet er berr, kvit hud. Overkjeven er for det meste bleik hornfarga og underkjeven er svart. Juvenile har mørke auge; vaksne har lysegule auge.
- Taksonomi
Raudara vart formelt skildra av Linné i 1758 i den tiande utgåva av hans Systema Naturae under binomialnamnet Psittacus macao. Raudara er no plasserte i slekta Ara (Lacépède, 1799), ei av seks slekter av sentral- og søramerikanske araer.
Dei to underartane kan skiljast av storleik og fargedetaljer i vengfjørene:
- A. m. macao (Linné, 1758): Nominatforma har vengene har mellom- og sekundærdekslene grøn spiss, lever i fragmenterte område av sørlege Mellom-Amerika og i Sør-Amerika aust for Andes sør til og med nordlege Bolivia
- A. m. cyanopterus (Wiedenfeld, 1995): Den sentralamerikanske raudaraen er større enn nominatforma og har blå fjørtuppar på dei gule vengdekkfjørene i staden for grønt. Han finst i fragmenterte område frå sørauslegaste Mexico, til nordaustlege Nicaragua
Storleiken på populasjonen er estimert til under 50 000 individ og er trudd å vere minkande. Arten er klassifisert som globalt livskraftig, LC.[2]
Galleri
[endre | endre wikiteksten]-
Egg
Kjelder
[endre | endre wikiteksten]- Denne artikkelen bygger på «Scarlet macaw» frå Wikipedia på engelsk, den 1. januar 2021.
- Referansar
- ↑ {Collar, N., P. F. D. Boesman, and C.J. Sharpe (2020). Scarlet Macaw (Ara macao), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.scamac1.01 Krev abonnement, henta 1. januar 2020
- ↑ BirdLife International (2021) Species factsheet: Ara macao. Henta frå http://www.birdlife.org den 1. januar 2021
