Maishofen

Maishofen er ein kommune i distriktet Zell am See i forbundslandet Salzburg i Austerrike. Kommunen har ei flatevidd på 29,5 km² og i kring 3 600 ibuarar. Busetnaden fordelar seg på tre landsbyar, Maishofen, Atzing og Mitterhofen. Landsbyen Maishofen ligg på ei slette, 768 meter over havet, mellom skogkledde åsar.

Vintersport med overnattingar er hovudnæring i kommunen, som ligg gunstig til med kort avstand til dei kjende turistmåla Zell am See, Saalbach-Hinterglemm og Kaprun.