Leipzig
- For andre tydingar av oppslagsordet, sjå Leipzig (fleirtyding).
Leipzig | |
---|---|
![]() | |
Byvåpen | Plassering |
![]() |
|
Styresmakter | |
Land Delstat Regierungsbezirk Landkreis |
![]() Sachsen Leipzig Kreisfri by |
Først nemnd i Byrettar |
1050 1165 |
Geografi | |
Flatevidd - By |
297,60 km² |
Innbyggjararde:Leipzig - By (november 2006) - folketettleik |
510 651 1 716/km² |
Koordinatar | 51°20′0″N 12°23′0″E / 51.33333°N 12.38333°E |
Høgd over havet | 113 m |
Tidssone - Ved sommartid |
CET (UTC+1) CEST (UTC+2) |
Diverse annan informasjon | |
Postnummer | 04003-04357 |
Telefon-retningsnummer | 0341 |
Bilnummer | L |
Heimeside: www.leipzig.de |
Leipzig (sorbisk Lipsk) er ein by i Tyskland og den største byen i delstaten Sachsen. Byen har eit innbyggjaratal på like over 510 000 , og ligg der elvane Pleiße, Weiße Elster og Parthe renn saman.
Leipzig er kjend for universitet og varemessa. Det første tyske arbeidarpartiet vart grunnlagd i byen.
Namnet Leipzig kjem frå det slaviske ordet Lipsk, som tyder 'busetnad ved lindetrea'.[1]
Historie
[endre | endre wikiteksten]![](http://upload.wikimedia.org/wikipedia/commons/thumb/3/36/Leipzig_Thomaskirche.jpg/170px-Leipzig_Thomaskirche.jpg)
Den første historiske omtalen av byen er frå 1050, då me høyrer om ein slavisk busetnad som heitte Lipsk. På grunn av tysk ekspansjon austover blei byen etter kvart ein av deira handelsstader, og fekk byrettar i 1165 av markgreven av Meissen.
Byen blei stygt skada av bombeåtak frå dei allierte under den andre verdskrigen. Medan det budde over 750 000 menneske i byen like før den andre verdskrigen, hadde folketalet gått ned til 500 000 i 2002.
I 1989 byrja den fredelege revolusjonen mot DDR-styret i byen med såkalla Montagsdemonstrationen.
Kjende personar med samband til Leipzig
[endre | endre wikiteksten]![](http://upload.wikimedia.org/wikipedia/commons/thumb/f/f4/Leipzig_Reichsgericht.jpg/220px-Leipzig_Reichsgericht.jpg)
Leipzig har i mange hundreår vore eit kultursentrum i Tyskland, noko ein merkar på menneska som har vore innom byen. Filosofen Gottfried Leibniz og fleire musikarar frå Bach-familien verka eller var fødde her, mellom anna Johann Sebastian Bach. Martin Luther preika i byen.
Fleire nordmenn har søkt seg til Leipzig. Ei rekke norske komponistar og musikarar, som Edvard Grieg, Johan Selmer, Ole Olsen, Johannes Haarklou, Christian Sinding, Eyvind Alnæs, Johan Halvorsen og Geirr Tveitt studerte her. Av norske vitskapsmenn var Sophus Lie professor i matematikk og Vilhelm Bjerknes professor i geofysikk ved Universitetet i Leipzig. Salmediktaren Elias Blix studerte teologi ved universitetet frå 1871 til 1872. Han hadde adresse Parkstrasse 2.[2]
Verd å vitja i byen
[endre | endre wikiteksten]- Det gamle rådhuset, bygd av Hieronymus Lotter på 1500-talet
- Det nye rådhuset
- Thomaskirche
- Nikolaikirche
- Völkerschlachtdenkmal (monument over folkeslaget)
- Universitetet i Leipzig
- Det tyske biblioteket
- Gohlisslottet
Kjelder
[endre | endre wikiteksten]- ↑ Hanswilhelm Haefs. Das 2. Handbuch des nutzlosen Wissens. ISBN 3-8311-3754-4
- ↑ http://blixblog.blogspot.no/2004/07/blix-i-leipzig.html
Bakgrunnsstoff
[endre | endre wikiteksten]![](http://upload.wikimedia.org/wikipedia/commons/thumb/d/dd/Wikivoyage-Logo-v3-icon.svg/16px-Wikivoyage-Logo-v3-icon.svg.png)